ആലക്കോട്: ചെറുപുഴ മുളപ്ര ക്ഷേത്രത്തിന് സമീപം സെമിത്തേരി നിര്മ്മിക്കാനുള്ള നീക്കത്തില് പ്രതിഷേധിച്ച് ചെറുപുഴ പഞ്ചായത്ത് ഓഫീസ് ഉപരോധ സമരത്തില് പങ്കെടുത്ത ക്ഷേത്ര സംരക്ഷണ സമിതി പ്രവര്ത്തകരെ തല്ലിച്ചതച്ച് പോലീസ് നടപടിയില് കേരള ക്ഷേത്രസംരക്ഷണ സമിതി തളിപ്പറമ്പ് താലൂക്ക് കമ്മറ്റി പ്രതിഷേധിച്ചു. സെമിത്തേരി നിര്മാണത്തില് നിന്ന് ബന്ധപ്പെട്ടവര് പിന്മാറിയില്ലെങ്കില് ശക്തമായ സമരം നടത്തുമെന്ന് യോഗം മുന്നറിയിപ്പ് നല്കി. അജിത്ത് വര്മ അധ്യക്ഷത വഹിച്ചു. ടി.പി.പരമേശ്വരന്, സിദ്ധാര്ത്ഥന് പുതുപ്പറമ്പില്, മോഹനന് വെങ്ങാലത്ത്, രാധ പുല്ലാട്ട് തുടങ്ങിയവര് സംസാരിച്ചു.
മുളപ്ര കക്കറക്കാവ് സംരക്ഷണ സമിതിയുടെ നേതൃത്വത്തില് ചെറുപുഴ ഗ്രാമപഞ്ചായത്തിലേക്ക് നടന്ന പ്രതിഷേധ മാര്ച്ച് അക്രമത്തിലും പോലീസ് ലാത്തിച്ചാര്ജിലും കലാശിച്ചതിനെ തുടര്ന്നുണ്ടായ കേസില് നിരപരാധികളെ ഉള്പ്പെടുത്തുന്നതിലും സംഭവദിവസവും അടുത്തദിവസവും പകല് മുഴുവന് പോലീസിന്റെ സാന്നിദ്ധ്യത്തില് ചെറുപുഴ ടൗണില് ഉണ്ടായിരുന്ന ക്ഷേത്രം കമ്മിറ്റി ഖജാന്ജി മോഹനന് പലേരിയെ അര്ദ്ധരാത്രി വീടുവളഞ്ഞ് അറസ്റ്റു ചെയ്ത് മര്ദ്ദിച്ചതിലും അപമാനിച്ചതിലും ചെറുപുഴ ശ്രീ അയ്യപ്പ ക്ഷേത്രം കമ്മിറ്റി ശക്തമായി പ്രതിഷേധിച്ചു. യോഗത്തില് വി.കൃഷ്ണന് മാസ്റ്റര് അദ്ധ്യക്ഷതവഹിച്ചു. ടി.വി.കൃഷ്ണന്, പി.പി.തങ്കപ്പന് മാസ്റ്റര്, എം.ബാലകൃഷ്ണന്, എന്നിവര് പ്രസംഗിച്ചു. കെ.കെ.ശശി നന്ദി പറഞ്ഞു.
പ്രതികരിക്കാൻ ഇവിടെ എഴുതുക: