കോട്ടയം: വാഗമണ്ണില് കന്യാസ്ത്രീയെ മഠത്തിലെ കുളത്തില് മരിച്ച നിലയില് കണ്ടെത്തി. വാഗമണ്ണിലെ എസ്എച്ച് മഠത്തിലെ സിസ്റ്റര് ലിന്ഡ മറിയയാണ് മരിച്ചത്. ഇന്ന് രാവിലെ മഠത്തിലെ അന്തേവാസികളാണ് മൃതദേഹം കണ്ടെത്തിയത്.
ഇന്നലെ വൈകിട്ട് ഉറങ്ങാന് മുറിയിലേക്ക് പോകുന്നത് കണ്ടതാണെന്ന് മഠത്തിലെ മറ്റ് സിസ്റ്റര്മാര് പറയുന്നു. രാവിലെ കാണാതിരുന്നതിനെ തുടര്ന്ന് മുറിയിലെത്തിയെങ്കിലും മുറി അടച്ചിട്ട നിലയിലായിരുന്നു. തുടര്ന്ന് നടത്തിയ അന്വേഷണത്തിലാണ് സമീപത്തെ കുളത്തില് മരിച്ച നിലയില് കണ്ടെത്തിയത്.
പീരുമേട് പോലീസ് സ്ഥലത്തെത്തി അസ്വാഭാവിക മരണത്തിന് കേസെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: