പേരാമ്പ്ര: ലോക എയ്ഡ്സ് ദിനാചരണത്തിന്റെ ഭാഗമായി ഗവ. താലൂക്ക് ആശുപത്രി പേരാമ്പ്രയും ഓക്സ്ഫോര്ഡ് ഇന്സ്റ്റിറ്റിയൂട്ട് ഓഫ് മെഡിക്കല് ടെക്നോളജി പേരാമ്പ്രയും സംയുക്തമായി എയ്ഡ്സ് ബോധവല്ക്കരണ റാലി നടത്തി. ഹെല്ത്ത് ഇന്സ്പെക്ടര് ഇ.എം. ശശീന്ദ്രകുമാര്, യൂണിയന് ഹെല്ത്ത് ഇന്സ്പെക്ടര്മാരായ എ.സി. അരവിന്ദന്, എന്.ടി. ജിതേഷ്, എന്.ടി. സതീശന്, എന്.എം. ഷാജി, ഐസിടിസി കൗണ്സിലര് മിഥുന്മോഹന്, ഓക്സ്ഫോര്ഡ് ഇന്സ്റ്റിറ്റിയൂട്ട് പ്രിന്സിപ്പല് ചക്രപാണി കുറ്റിയാടി, കെ.സി. ഷീബ, ജിഷിത എന്നിവര് റാലിക്ക് നേതൃത്വം നല്കി.
റാലിക്ക് ശേഷം എയ്ഡ്സ് ബോധവല്ക്കരണക്ലാസും സംഘടിപ്പിച്ചു.
കുന്ദമംഗലം: ഓള് കേരള ഫോട്ടോഗ്രാഫേഴ്സ് അസോസിയേഷന് കോഴിക്കോട് റൂറല് മേഖലാ കമ്മിറ്റി എയ്ഡ്സ്ദിനാചരണത്തിന്റെ ഭാഗമായി കുന്ദമംഗലത്ത് ബോധവല്ക്കരണക്ലാസ് നടത്തി. മേഖലാ പ്രസിഡന്റ് ഷാജി കൂടരഞ്ഞി അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് രമ്യഹരിദാസ് ഉദ്ഘാടനം ചെയ്തു. കുന്ദമംഗലം പിഎച്ച്സി ഹെല്ത്ത് ഇന്സ്പെക്ടര് വി.കെ. അയ്യപ്പന് വിശദീകരിച്ചു. സംസ്ഥാന കമ്മിറ്റി അംഗങ്ങളായ കെ.സി. വിശ്വന്, ജ്യോതിഷ്കുമാര് എന്നിവര് സംസാരിച്ചു. പരിപാടിക്ക് സുനില് കണ്ണോറ നന്ദി പറഞ്ഞു.
മേപ്പയ്യൂര്: ഗവ. വൊക്കേഷണല് ഹയര്സെക്കണ്ടറി സ്കൂള് മേപ്പയ്യൂര് എയ്ഡ്സ് ബോധവല്ക്കരണ റാലി നടത്തി. പ്രിന്സിപ്പല് അബ്ദുല് ലത്തീഫ് നേതൃത്വം നല്കി. സ്കൂളിലെ സ്കൗട്ട്സ്, ജെആര്സി, എസ്പിസി, എന് സി സി അംഗങ്ങള് മുഴുവ നായും റാലിയില് പങ്കെടുത്തു.
മുക്കം: സമൂഹത്തില് നിന്ന് പാര്ശ്വവല്ക്കരിക്കപ്പെടുന്ന എയിഡ്സ് രോഗികളോട് അനുഭാവം പ്രകടിപ്പിച്ചും രോഗത്തെ കുറിച്ച് ബോധവല്ക്കരണം നല്കിയും നാടെങ്ങും ലോക എയിഡ്സ് ദിനം വിവിധ പരിപാടികളോടെ ആചരിച്ചു. കാരശേരി ഗ്രാമപഞ്ചായത്തിന്റേയും പ്രാഥമികാരോഗ്യ കേന്ദ്രത്തിന്റേയും നേതൃത്വത്തില് നോര്ത്ത് കാരശേരിയില് റാലി, പോസ്റ്റര് പ്രദര്ശനം, രചനാ മത്സരം, കോഴിക്കോട് മനോരഞ്ജന് ആര്ട്സിന്റെ വിവിധ കലാപരിപാടികള് എന്നിവ നടന്നു. പരിപാടികളുടെഉദ്ഘാടനം കാരശേരി ഗ്രാമപഞ്ചായത്ത് പ്രസിഡന്റ് വി കെ വിനോദ് നിര്വ്വഹിച്ചു. വൈസ് പ്രസിഡന്റ് വി പി ജമീല അദ്ധ്യക്ഷയായി. ഡോക്ടര് മനുലാല് വിജേഷ്, രമ്യ തുടങ്ങിയവര് സംസാരിച്ചു.
മണാശേരി എം എ എം ഒ കോളേജ് എന് എസ് എസ് യൂനിറ്റ് എയ്ഡ്സ് ദിനാചരണത്തിന്റെ ഭാഗമായി കൂട്ട ഓട്ടം സംഘടിപ്പിച്ചു.
മുക്കം പോലീസ് സ്റ്റേഷന് പരിസരത്ത് എ എസ് ഐ പ്രദീപ് കുമാര് ഫഌഗ് ഓഫ് ചെയ്തു.
ഷാരുഖ് അസ്ലം, സുഹൈല് ,മേഘ ,അപര്ണ്ണ, ഇര്ഫാന്, ഫൈറൂസ്, അദ്ധ്യാപകരായ മുജീബ്, ജാഫര് നേതൃത്വം നല്കി. മുക്കം ബസ് സ്റ്റാന്റില് നടന്ന സമാപന പരിപാടിയില് നഗരസഭാ ചെയര്മാന് വി കുഞ്ഞന്.മാസ്റ്റര് സംസാരിച്ചു.
പ്രതികരിക്കാൻ ഇവിടെ എഴുതുക: