തലശ്ശേരി: എടത്തിലമ്പലം ശ്രീ ശങ്കരന്കുളങ്ങര വൈരീഘാതക ഭഗവതിക്ഷേത്രത്തിലെ മണ്ഡല മഹോത്സവം 19 മുതല് 23 വരെ നടക്കുമെന്ന് സംഘാടകര് പത്രസമ്മേളനത്തില് പറഞ്ഞു. 19 ന് വൈകുന്നേരം 6.30 ന് സര്വ്വൈശ്വര്യ പൂജയോടെ മഹോത്സവം ആരംഭിക്കും. 20 ന് ഉച്ചക്ക് അന്നദാനം നടക്കും. വൈകുന്നേരം 6.30 ന് മലബാര് ദേവസ്വം ബോര്ഡ് പ്രസിഡണ്ട് സജീവ് മാറോളിക്ക് സ്വീകരണം നല്കും. തുടര്ന്ന് കുട്ടികളുടെ നൃത്തപരിപാടിയും ഗാനസന്ധ്യയും നടക്കും. 21 ന് വൈകുന്നേരം 7 മണിക്ക് നൃത്തനൃത്യങ്ങളും 8.30 ന് ശ്രീ മുത്തപ്പന് മള്ട്ടി വിഷ്വല് വില്ക്കലാമേളയും ഉണ്ടായിരിക്കും. 22 ന് ഉച്ചക്ക് അന്നദാനവും വൈകുന്നേരം 6.30 ന് ഡോ.വി.ആര്.മധുവിന്റെ ആധ്യാത്മിക പ്രഭാഷണവും രാത്രി 8.30 ന് ബലരാമന് നൃത്തസംഗീത നാടകവും ഉണ്ടായിരിക്കും. 3 ന് പുലര്ച്ചെ 5 മണിക്ക് നടക്കുന്ന അഭിഷേകത്തോടെ പ്രത്യേക പൂജകള് ആരംഭിക്കും. വൈകുന്നേരം 5.30 ന് ശോഭായാത്രയും തായമ്പകയും 6.10 ന് ദീപാരാധനയും 7 മണിക്ക് തിരുവത്താഴത്തിന് അരിയളവും രാത്രി 8.30 ന് അത്താഴപൂജയും നടക്കും. തുടര്ന്ന് തെയ്യമ്പാടി നൃത്തം, തിരുവായുധം എഴുന്നള്ളത്ത്, വേട്ടക്കൊരു മകന്റെ കളക്കുറിയും പാട്ടും തേങ്ങമുട്ടും നടക്കും.
പത്രസമ്മേളനത്തില് ക്ഷേത്ര സേവാസമിതി പ്രസിഡണ്ട് എം.വി.നാരായണന് മാസ്റ്റര്, സെക്രട്ടറി ടി.കെ.വിപിന്, ട്രസ്റ്റി ബോര്ഡ് ചെയര്മാന് ടി.സുമോദ്, മെമ്പര്മാരായ എം.ജയചന്ദ്രന്, പി.മോഹന്ദാസ്, ഉത്സവക്കമ്മറ്റി പ്രസിഡണ്ട് കെ.വത്സന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: