കണ്ണൂര്: 2016 ലെ റിപ്പബ്ലിക് ദിനാഘോഷത്തോടനുബന്ധിച്ച് കേന്ദ്ര യുവജനകാര്യ കായിക മന്ത്രാലയവും നെഹ്റു യുവകേന്ദ്രയും ചേര്ന്ന് ദേശസ്നേഹവും രാഷ്ട്ര നിര്മാണവും എന്ന വിഷയത്തില് യുവജനങ്ങള്ക്ക് പ്രസംഗ മത്സരം സംഘടിപ്പിക്കുന്നു. 18 നും 29 നും ഇടയില് പ്രായമുളള യുവതീ-യുവാക്കള്ക്ക് ജില്ലാ-സംസ്ഥാന-ദേശീയ തലങ്ങളിലാണ് മത്സരം. ജില്ലാതല മത്സരത്തില് ആദ്യത്തെ മൂന്ന് സ്ഥാനങ്ങള് നേടുന്നവര്ക്ക് യഥാക്രമം 5000, 2000, 1000 രൂപ വീതം ക്യാഷ് അവാര്ഡും സര്ട്ടിഫിക്കറ്റും ലഭിക്കും. പ്രസംഗത്തിന് ഹിന്ദിയോ ഇംഗ്ലീഷോ മത്സരാര്ത്ഥികള്ക്ക് തിരഞ്ഞെടുക്കാം. ഒക്ടോബര് 1ന് ജില്ലയില് സ്ഥിര താമസക്കാരായവര്ക്ക് പങ്കെടുക്കാം. യോഗ്യതാ മത്സരങ്ങള് നടത്തിയാണ് ജില്ലാതല മത്സരാര്ത്ഥികളെ കണ്ടെത്തുക. താല്പര്യമുളളവര് ഡിസം.10നകം നിശ്ചിത ഫോറത്തില് തളാപ്പിലുളള നെഹ്റു യുവകേന്ദ്ര ഓഫീസില് പേര് രജിസ്റ്റര് ചെയ്യണം. ഫോറം തളാപ്പിലുള്ള നെഹ്റു യുവകേന്ദ്ര ഓഫീസില് നിന്നും ലഭിക്കും. ഇ മെയില് വഴി ലഭിക്കുന്നതിന് റ്യര.സമിിൗൃ@ഴാമശഹ.രീാ എന്ന വിലാസത്തില് ബന്ധപ്പെടുക. ഫോണ്: 0497 2700881.
പ്രതികരിക്കാൻ ഇവിടെ എഴുതുക: