കണ്ണൂര്: ചെറുകിട വ്യവസായ സംരംഭം, ബിസിനസ് തുടങ്ങുവാന് താല്പര്യമുള്ളവര്ക്കായി കേന്ദ്ര ചെറുകിട വ്യവസായ സംരഭകത്വ മന്ത്രാലയവും പൊതുമേഖല കണ്സള്ട്ടന്സി സ്ഥാപനമായ ക്റ്റികോയും ചേര്ന്ന് കണ്ണൂരില് രണ്ടാഴ്ചത്തെ സൗജന്യ വ്യവസായ സംരഭകത്വ പരിശീലനം നല്കും.
ലാഭകരമായ വ്യവസായങ്ങള് ഏതെല്ലാം, പേഴ്സണാലിറ്റി ഡെപലപ്മെന്റ്, മോട്ടിവേഷന്, ബാങ്ക് വായ്പ മാര്ഗ്ഗങ്ങള്, വ്യവസായ ലൈസന്സ് നടപടി ക്രമങ്ങള്, വിജയം വരിച്ച വനിതാ, പുരുഷ വ്യവസയികളുടെ അനുഭവങ്ങള്, മാര്ക്കറ്റിംഗ് മാനേജ്മെന്റ്, കണക്കെഴുത്ത്, പ്രൊജക്ട് റിപ്പോര്ട്ട് എന്നീവിഷയങ്ങള് അറിയുന്നതിലൂടെ ഓരോ വ്യക്തിക്ക് സ്വന്തമായി ഒരു വ്യവസായം/ബിസിനസ് നടത്തുവാനുളള അറിവ്, ആത്മവിശ്വാസം എന്നിവ ഈ പരിശീലനത്തിലൂടെ നേടാവുന്നതാണ്.
ഹൈദരാബാദിലെ നാഷണള് ഇന്സ്റ്റിറ്റിയൂട്ട് ഓഫ് എംഎസ്എംഇയും കിറ്റികോയും ചേര്ന്ന് നടത്തുന്ന ഈ പരിശീലനത്തില് പങ്കെടുക്കുന്നതിനുള്ള കുറഞ്ഞ വിദ്യാഭ്യാസ യോഗ്യത പത്താംക്ലാസാണ്. പ്രായം 18നും 35നും ഇടില്. ഈ പരിശീലനത്തില് പങ്കെടുക്കുവാന് താല്പര്യമുള്ളവര് 2 പാസ്പോര്ട്ട് സൈസ് ഫോട്ടോ, തിരിച്ചറിയല് കാര്ഡ്, വിദ്യാഭ്യാസ യോഗ്യത, പ്രായം എന്നിവ തെളിയിക്കുന്ന സര്ട്ടിഫിക്കറ്റുകളുടെ പകര്പ്പുകള് സഹിതം 10ന് രാവിലെ 11 മണിക്ക് കണ്ണൂര് മുണ്ടയാട് എന്എസ്എസ് ഹാളില് ഹാജരാകണം. 30പേര്ക്കാണ് പ്രവേശനം. വിശദവിവരങ്ങള്ക്ക് ഫോണ്: 9447509643.
പ്രതികരിക്കാൻ ഇവിടെ എഴുതുക: