കൊല്ലം: സുനാമിതിരകള് നാശം വിതച്ച ഗ്രാമത്തില് ടൂറിസം സാധ്യതകളുടെ അനന്തസാധ്യതകളെ പ്രയോജനപ്പെടുത്താന് ആലപ്പാട് പഞ്ചായത്തിന്റെ നേതൃത്വത്തില് പദ്ധതികള് ആലോചനയില്. ഇതിന്റെ ഭാഗമായി അഴീക്കല് മുതല് ആലപ്പാട് വരെയുള്ള 17 കിലോമീറ്റര് ദൂരത്തില് മതിലുകളില് ചിത്രങ്ങള് വരയ്ക്കും.
അഴീക്കല്-വെള്ളനാത്തുരുത്ത് റഓഡിനോട് ചേര്ന്നുള്ള മതിലുകളിലാണ് കേരളത്തിലെയും പുറത്തുമുള്ള ചിത്രകാരന്മാര് ഒരേസമയം പെയിന്റിംഗ് നടത്തുന്നത്. ഇതിന്റെ ഉദ്ഘാടനം നാളെ രാവിലെ 11.30ന് നടക്കും. കുരിശടിമുക്കിന് സമീപം പള്ളിയുടെ കിഴക്കതില് ബലരാമന്റെ മതിലില് ചിത്രം വരച്ച് കൊണ്ട് ആലപ്പാട് പ്രദേശത്തെ ഏറ്റവും പ്രായമുള്ള ചിത്രകലാധ്യാപകനായ ഹരിഹരനാണ് പരിപാടിയുടെ നാന്ദി കുറിക്കുന്നതെന്ന് ആലപ്പാട് പഞ്ചായത്ത് പ്രസിഡന്റ് സെലീനയും സംഘാടകനായ അരുണ് കാളിശേരിയും പത്രസമ്മേളനത്തില് പറഞ്ഞു.
രാജ്യത്ത് തന്നെ ആദ്യമായാണ് ചിത്രങ്ങള്ക്കൊപ്പം ചില ശില്പ്പങ്ങളും റിലീഫ് വാക്കുകളും പഞ്ചായത്തിലുടനീളം ആലേഖനം ചെയ്യുന്നത്. ടൂറിസം വളര്ത്തുന്നതിനൊപ്പം സാംസ്കാരികപൈതൃകവും ഒറുമയും വരയുടെ കരുത്തും ആസ്വാദകര്ക്ക് അനുഭവവേദ്യമാക്കുകയാണ് ഉദ്ദേശിക്കുന്നത്. ചിത്രരചനയുടെ സമയത്ത് സംഗീത-വാദ്യ ഉപകരണങ്ങള് ഉപയോഗിച്ചുള്ള അന്തരീക്ഷവും ഒരുക്കുമെന്ന് സംഘാടകര് പറഞ്ഞു.
പ്രതികരിക്കാൻ ഇവിടെ എഴുതുക: