പിറവം: ഭൂമിയേയും സംസ്കാരത്തേയും ഭാഷയേയും തിരിച്ചറിയണമെന്ന് തപസ്യ കലാസാഹിത്യവേദി സംസ്ഥാന അധ്യക്ഷന് എസ്. രമേശന്നായര്. തപസ്യ സംഘടിപ്പിക്കുന്ന സാംസ്കാരിക തീര്ത്ഥയാത്രയുടെ ഭാഗമായുള്ള ജില്ലാ ഉപയാത്രയുടെ ഉദ്ഘാടനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. ഭാരത സംസ്കാരം എന്റേതാണെന്ന് അഭിമാനത്തോടെ പറയാന് നമുക്ക് കഴിയണമെന്നും അദ്ദേഹം കൂട്ടിച്ചേര്ത്തു. പിറവം വെളിയനാട് ചിന്മയ അന്തര്ദേശീയ കേന്ദ്രത്തില് ചലച്ചിത്രതാരം കവിയൂര് പൊന്നമ്മ ഉപയാത്ര ഉദ്ഘാടനം ചെയ്തു. യാത്ര ക്യാപ്റ്റന് സംഗീതസംവിധായകന് സി.രാജാമണിക്ക് കവിയൂര് പൊന്നമ്മ പതാക കൈമാറി.
ക്ഷേത്ര കലാചാര്യന്മാരായ പുല്പ്ര കൃഷ്ണന്കുട്ടിമാരാര്, ബാലകൃഷ്ണമാരാര് പുന്നയ്ക്കല്, വി.എന്.ശിവദാസന്, പി.എന്. ശങ്കരനാരായണമാരാര്, പി.എല്. ഗിരിജന്മാരാര്, മുരളിമാരാര് എന്നിവരെ ആദരിച്ചു. കവി എന്.കെ.ദേശം അധ്യക്ഷത വഹിച്ചു. ബ്രഹ്മചാരിണി ദേവകി ചൈതന്യ, തപസ്യ സംസ്ഥാന സെക്രട്ടറി പ്രൊഫ.പി.ജി. ഹരിദാസ്, ജില്ലാ സെക്രട്ടറി സജി, ഉപയാത്ര കാര്യദര്ശി അശോകന്, ലക്ഷ്മിഭായി, മാനേജിംഗ് ട്രസ്റ്റി എം.മോഹനന്, ഉപയാത്ര സ്വാഗതസംഘം ജനറല് കണ്വീനര് സി.എന്. ഉണ്ണികൃഷ്ണന് എന്നിവര് സംസാരിച്ചു. പിറവം ബസ്സ്സ്റ്റാന്റ് കവല, പാഴൂര് പെരുംതൃക്കോവില് ക്ഷേത്രം, രാമമംഗലം പെരുംതൃക്കോവില് ക്ഷേത്രം എന്നിവിടങ്ങളില് ഉപയാത്രക്ക് സ്വീകരണം നല്കി. ഇന്ന് വൈകിട്ട് 5ന് നടക്കുന്ന സമാപന സമ്മേളനം സംവിധായകന് ഷാജി കൈലാസ് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: