കോട്ടയം: രാജ്യാന്തരമായി പ്രവര്ത്തിച്ച് വരുന്ന ഗ്ലോബല് നായര് സേവാസമാജത്തിന്റെ കേരളഘടകം രൂപീകരിക്കുന്നതിനുള്ള സംസ്ഥാനതല സമ്മേളനം എറണാകുളത്ത് നടക്കും.
ഇതിന്റെ ഭാഗമായി കോട്ടയം ജില്ലാതല സ്വാഗതസംഘം രൂപീകരണ സമ്മേളനം പ്രസ്ക്ലബ് ഹാളില് മലബാര് നായര് സമാജം രക്ഷാധികാരി മഞ്ചേരി ഭാസ്കരപിള്ള ഉദ്ഘാടനം ചെയ്തു. യോഗത്തില് എം.എന്.ഗോപാലകൃഷ്ണപ്പണിക്കര് അദ്ധ്യക്ഷത വഹിച്ചു. സിപി ഗോപാലകൃഷ്ണന് നായര്, അഡ്വ.എന്.എന്.വിജയന്നായര്, പ്രൊഫ.എന്.ജഗദീഷ്, കുടമാളൂര് രാധാകൃഷ്ണന്, കടയിനിക്കാട് രാധാകൃഷ്ണന് തുടങ്ങിയവര് പ്രസംഗിച്ചു. സ്വാഗതസംഘം ഭാരവാഹികളായി എം.എന്.ഗോപാലകൃഷ്ണപ്പണിക്കര്, ചെയര്മാന്, സി.പി. ഗോപാലകൃഷ്ണന് നായര്, കടയിനിക്കാട് രാധാകൃഷ്ണ്, വൈസ് ചെയര്മാന്മാര്, കുടമാളൂര് രാധാകൃഷ്ണന്, ജനറല് കണ്വീനര്, വി.ജി.ഗോപാലകൃഷ്ണന് നായര്, അനില് തോട്ടുപുറം, പി.ജി.രാമചന്ദ്രന് കണ്വീനേഴ്സ്, ജയ്മോഹന്, ജി.ഗോപന്.ജി.നായര്, എസ്.ഗംഗാധരന്നായര്, അനീഷ്കുമാര് പി.സി, മഞ്ജു എം.ചന്ദ്രന്, അനീഷ് മുരളീധരന്, രൂപേഷ്.ആര്.മേനോന് ജോയിന്റ് കണ്വീനേഴ്സ് എന്നിവരടങ്ങിയ 51 അംഗസ്വാഗത സംഘത്തെ തെരഞ്ഞെടുത്തു.
26ന് എറണാകുളത്ത് നടക്കുന്ന സമ്മേളനത്തില് ജില്ലയില് നിന്നും 500 പ്രതിനിധികളെ പങ്കെടുപ്പിക്കുന്നതിനും യോഗം തീരുമാനിച്ചു.
പ്രതികരിക്കാൻ ഇവിടെ എഴുതുക: