കൂത്തുപറമ്പ്: വലിയവെളിച്ചത്ത് കൃഷിവകുപ്പിന്റെ നേതൃത്വത്തില് സ്ഥാപിക്കുന്ന കാംകോ പവര് ടില്ലര് നിര്മാണ യൂണിറ്റ് യാഥാര്ഥ്യമാകുന്നു. കാര്ഷിക പുരോഗതിക്കായി വിവിധ യന്ത്രങ്ങള് നിര്മ്മിച്ച് കര്ഷകര്ക്ക് ചുരുങ്ങിയ വിലയില് ലഭ്യമാക്കുകയാണ് പവര് ടില്ലര് യൂണിറ്റിന്റെ ലക്ഷ്യം. 20 കോടി രൂപ മുതല്മുടക്കില് നിര്മിച്ച യൂണിറ്റില് മൂന്നു ഘട്ടങ്ങളായി 168 പേര്ക്ക് നേരിട്ട് തൊഴില് ലഭ്യമാക്കും.
ന്യൂജനറേഷന് പവര്ടില്ലര്, ഗാര്ഡന് ടില്ലര്, ബ്രഷ് കട്ടര് തുടങ്ങിയവയാണ് ആദ്യഘട്ടത്തില് നിര്മിക്കുക. ജനുവരി 9 ന് കേന്ദ്ര കൃഷിമന്ത്രി രാധാമോഹന്സിംഗ് യൂണിറ്റ് ഉദ്ഘാടനം ചെയ്യും. കൂത്തുപറമ്പ് ടൗണ്ഹാളില് നടന്ന സംഘാടകസമിതി രൂപീകരണയോഗം കൃഷി മന്ത്രി കെ.പി. മോഹനന് ഉദ്ഘാടനം ചെയ്തു. നഗരസഭാ ചെയര്മാന് എം. സുകുമാരന് അധ്യക്ഷത വഹിച്ചു. കാംകോ ഡയറക്ടര് കെ.പി.ചന്ദ്രന്, കെ.വി.റംല, എം.പി.മറിയംബീവി, എം.കെ. പദ്മനാഭന്, കരുവാങ്കണ്ടി ബാലന്, കാട്ടൂര് മുഹമ്മദ്, പി.ബാലന്, സുബൈര്ഖാന്, പി.ധനജ്ഞയന്, പി.കെ. സതീശന്, വി.പി. സുരേന്ദ്രന്, സി.ബാലന്, പി.കെ.അലി എന്നിവര് പ്രസംഗിച്ചു. ഇ.പി.ജയരാജന് എംഎല്എയെ ചെയര്മാനായും കെ.പി.ചന്ദ്രനെ ജനറല് കണ്വീനറായും തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: