കണ്ണൂര്: കണ്ണൂര് പോസ്റ്റല് ഡിവിഷണല് സൂപ്രണ്ടിനെതിരെ ജീവനക്കാര് സമരത്തിനൊരുങ്ങുന്നു. ഭാരതീയ പോസ്റ്റല് എംപ്ലോയീസ് ഫെഡറേഷന് കണ്ണൂര് ഡിവിഷന് കമ്മിറ്റിയുടെ നേതൃത്വത്തിലാണ് ജിവനക്കാര് സമരത്തിനൊരുങ്ങുന്നത്. ജീവനക്കാരുടെ വിവിധങ്ങളായ 34 ഇന ആവശ്യങ്ങള് അംഗീകരിക്കുക, പോസ്റ്റല് സൂപ്രണ്ട് നീതിപാലിക്കുക എന്നീ ആവശ്യങ്ങളുമായി ജീവനക്കാര് നടത്തുന്ന തുടര് പ്രക്ഷോഭസമരത്തിന്റെ 3-ാം ഘട്ട റിലേ ധര്ണ്ണയാണ് ഇന്നു മുതല് 18 വരെ കണ്ണൂര് ഹെഡ്പോസ്റ്റ് ഓഫീസ് പരിസരത്ത് രാവിലെ 10 മണിമുതല് നടക്കുക. കണ്ണൂര് പോസ്റ്റല് ഡിവിഷനില് സൂപ്രണ്ടിന്റെ അനാസ്ഥ ഒന്നുകൊണ്ടുമാത്രം കഴിഞ്ഞ മൂന്നുവര്ഷക്കാലമായി ജീവനക്കാരുടെ 34 ഇന ആവശ്യങ്ങളാണ് പരിഹരിക്കാതെ കിടക്കുന്നതെന്ന് ജീവനക്കാര് ആരോപിച്ചു. സ്റ്റാഫ് ക്വാര്ട്ടേഴ്സുകള് വാസയോഗ്യമല്ലാത്ത അവസ്ഥയാണ്. ഇത് വാസയോഗ്യമാക്കണമെന്നാണ് ജീവനക്കാരുടെ പ്രധാന ആവശ്യം. പാര്ട്ട് ടൈം ജീവനക്കാരുടെ ഒരുമണിക്കൂര് ജോലിക്ക് 24 രൂപ എന്നത് വര്ദ്ധിപ്പിക്കുക, ജീവനക്കാരോടും ജീവനക്കാരുടെ പ്രതിനിധികളോടും മാന്യമായി പെരുമാറുക തുടങ്ങിയ ആവശ്യങ്ങളാണ് സമരക്കാര് ഉന്നയിക്കുന്നത്. റിലേസമരം ഇന്ന് രാവിലെ 10 മണിക്ക് ബിഎംഎസ് സംസ്ഥാന ഡെപ്യൂട്ടി ജനറല് സെക്രട്ടറി എം.പി.രാജീവന് ഉദ്ഘാടനം ചെയ്യും. നാളെനടക്കുന്ന സമരം എന്ടിയു ജില്ലാ പ്രസിഡന്റ് എം.ടി.സുരേഷ് ഉദ്ഘാടനം ചെയ്യും. 16ന് നടക്കുന്ന സമരം ബിപിഇയു ഓള് ഇന്ത്യാ ഓര്ഗനൈസിംഗ് സെക്രട്ടറി കെ.നാരായണന് ഉദ്ഘാടനം ചെയ്യും. 17ന് സി.വി.രാജേഷും, 18ന് എന്ജിഒ സംഘ് സംസ്ഥാന സെക്രട്ടറി എം.ടി.മധുസൂദനനും ധര്ണ്ണ ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: