കോട്ടയം: കന്യാകുമാരി മുതല് ഗോകര്ണ്ണം വരെ തീരദേശം വഴിയും ഗോകര്ണ്ണ മുതല് കന്യാകുമാരിവരെ പശ്ചിമഘട്ടം വഴിയും ജനുവരി, ഫെബ്രുവരി മാസങ്ങളില് രണ്ടു യാത്രകള് തപസ്യ സംഘടിപ്പിച്ചു. ഈ യാത്രകള്ക്ക് മുന്നോടിയായി കോട്ടയം ജില്ലാ ഉപയാത്ര 15 മുതല് 18 വരെ നടക്കും. ഡോ.പി.വി.വിശ്വനാഥന് നമ്പൂതിരി, പി.എന്.ബാലകൃഷ്ണന്, കവനമന്ദിരം പങ്കജാക്ഷന്, പി.ജി.ഗോപാലകൃഷ്ണ്, കുടമാളൂര് രാധാകൃഷ്ണ്, വി.പ്രസാദ് തുടങ്ങിയവര് നയിക്കും. 15ന് രാവിലെ 8.30ന് തിരുനക്കര ശ്രീരാമഹനുമത് ദേവസ്ഥാനത്ത് തൃക്കൈക്കാട്ട് സ്വാമിയാര് മഠം മഠാധിപതി വാസുദേവ ബ്രഹ്മാനന്ദ തീര്ത്ഥസ്വാമിയാര് ദീപപ്രോജ്ജ്വലനം നടത്തി. അനുഗ്രഹിക്കുന്ന യാത്ര അഖിലഭാരത ശ്രീമദ് ഭാഗവതസത്ര സമിതി മുന് ചെയര്പേഴ്സണ് രേണുകാ വിശ്വനാഥ് ഉദ്ഘാടനം ചെയ്യും. ജില്ലാ പ്രസിഡന്റ് കവനമന്ദിരം പങ്കജാക്ഷന് അദ്ധ്യക്ഷത വഹിക്കും. സ്വാഗതസംഘം ചെയര്മാന് ഡോ. പി. വി. വിശ്വനാഥന് നമ്പൂതിരി, മേഖലാ സംയോജകന് പി.എന്. ബാലകൃഷ്ണ്, രാഷ്ട്രീയ സ്വയംസേവക സംഘം വിഭാഗ് സംഘചാലക് എം.എസ്.പത്മനാഭന്, ജില്ലാ സംഘചാലക് എ.കേരളവര്മ്മ, ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് തുടങ്ങിയവര് സംസാരിക്കും.
കാരാപ്പുഴ, വേളൂര്, തിരുവാര്പ്പ്, കിളിരൂര്, കുമരകം, വൈക്കം, തലയോലപ്പറമ്പ്, കടുത്തുരുത്തി, ആദിത്യപുരം, മള്ളിയൂര്, ഏറ്റുമാനൂരില് സമാപിക്കും. 16ന് കുമാരനല്ലൂര്, ഒളശ്ശ, തളിയില്കോട്ട, ഇറഞ്ഞാല്, മണര്കാട്, കൂരോപ്പട, പള്ളിക്കത്തോട്, ആനിക്കാട്, തമ്പലക്കാട്, കാഞ്ഞിരപ്പള്ളി, പൊന്കുന്നത്ത് സമാപിക്കും. 17ന് ചിറക്കടവ്, മണിമല, ആലപ്ര, കടയനിക്കാട്, വെള്ളാവൂര്, ഏറത്തുവടകര, കളത്തൂര്മൂഴി, നെത്തെല്ലൂര്, ചമ്പക്കര, കറുകച്ചാല്, തൃക്കൊടിത്താനം, പുഴവാത്, ചങ്ങനാശേരിയില് സമാപിക്കും. 18ന് വാഴപ്പള്ളി, നീലംപേരൂര്, കുറിച്ചി, പള്ളം, പനച്ചിക്കാട്, കാടമുറി, പുതുപ്പള്ളി, വെന്നിമല, മാങ്ങാനം, പൊതിയില് ഗുരുകുലത്തില് സമാപിക്കും.
48 സ്ഥലങ്ങളിലായി 70ലധികം സാംസ്കാരിക പൈതൃക, മഹദ് വ്യക്തികളുടെ ഭവനങ്ങള് എന്നിവ സന്ദര്ശിക്കും. സമാപന സമ്മേളനത്തില് തിരുവിഴ ജയശങ്കര്, ആലപ്പി രംഗനാഥ് തുടങ്ങിയവര് പങ്കെടുക്കും. എന്റെ ഭൂമി എന്റെ ഭാഷ എന്റെ സംസ്കാരം എന്ന സന്ദേശവുമായി 2016 ജനുവരിയില് നടക്കുന്ന യാത്രക്ക് ജനുവരി 8ന് വൈക്കത്ത് സ്വീകരണം നല്കും. ഫെബ്രുവരിയില് ഗോകര്ണ്ണത്തുനിന്നും വരുന്ന യാത്രയ്ക്ക് 14ന് പൂഞ്ഞാര്, പാലാ, കിടങ്ങൂര്, ഏറ്റുമാനൂര്, വേദഗിരി, കുടമാളൂര്, സൂര്യകാലടിമന, നാഗമ്പടം ക്ഷേത്രംവഴി തിരുനക്കരയില് സമാപിക്കും. 15ന് കോടിമത, ചങ്ങനാശേരി വഴി യാത്രതിരിക്കും.
പ്രതികരിക്കാൻ ഇവിടെ എഴുതുക: