കറുകച്ചാല് : ചങ്ങനശ്ശേരി- വാഴൂര് റോഡിലെ വളവുകള് നിരന്തരം അപകടഭീഷണിയാകുന്നു. വളവുകളുള്ള ഭാഗങ്ങളിലാണ് കൂടുതല് അപകടങ്ങള് നടക്കുന്നത്. മാമ്മൂട് വളവ്, കൊച്ചുറോഡിനും കണിച്ചുകുളത്തിനും ഇടയ്ക്കുള്ള വളവ്, മിസംപടിക്കു സമീപമുള്ള വളവ്, കൂത്രപ്പള്ളിയിലെ രണ്ടു വളവുകള്, കറുകച്ചാല് പഞ്ചായത്താഫീസിനു സമീപമുള്ള വളവ്, മാന്തുരുത്തി വളവ് ഇവിടെയുള്ള വളവുകളിലാണ് കൂടുതലായി അപകടം നടക്കുന്നത്. അതേസമയം നിരവധി അപകടങ്ങള് നടന്ന മാമ്മൂടു വളവു നിവര്ത്താനുള്ള നടപടിയായി. ഇവിടെ നടന്ന അപകടത്തിനു കണക്കില്ല. വര്ഷങ്ങള്ക്കു മുമ്പ് തിരുവനന്തപുരം തേക്കടി കെഎസ്ആര്ടിസി ബസ് റോഡിലെ വളവില് മറിഞ്ഞു വീണു. പിന്നീടിങ്ങോട്ടു തുടരെ അപകടം തുടരുന്നു. റോഡിലെ വളവു നിവര്ത്തുന്നതോടെ കുറെയൊക്കെ അപകടം ഒഴിവാകും. കൊച്ചുറോഡിനും കണിച്ചുകുളത്തിനും ഇടയിലുള്ള വളവില് അപകടം ഉണ്ടായിട്ടുണ്ട്.വാഹനങ്ങളുടെ മരണപ്പാച്ചില് മൂലം ഇവിടെ അപകടം ഉണ്ടാകുന്നുണ്ട്. ദൈവം പടിക്കും മിസംപടിക്കും ഇടയിലുള്ള വളവില് നിരന്തരം അപകടമുണ്ടാകുന്നു. ഇറക്കവും വളവും ഉള്ള ഈ ഭാഗത്ത് അപകടങ്ങളുടെ നീണ്ട നിര തന്നെയുണ്ട. ഇവിടെ ഹൈ റേഞ്ചിലേക്കു പോയ സ്വകാര്യ ബസ് ഷാപ്പിനുള്ളിലേക്കു കയറിയ സംഭവവുമുണ്ട്. കൂത്രപ്പള്ളി വളവില് നിരവധി അപകട മരണങ്ങള് സംഭവിച്ചിട്ടുണ്ട്. മാന്തുരുത്തി വളവിലും അപകടങ്ങള് ഉണ്ടായിട്ടുണ്ട്. ഈ ഭാഗങ്ങളില് വളവുകള് നിവര്ത്താനുള്ള നടപടിയാണുണ്ടാകേണ്ടത്. കെ.എസ്.റ്റി.പി റോഡ് വികസം നടത്തിയങ്കിലും വളുകള് നിവര്ത്താനുള്ള നടപടി ഉണ്ടായില്ല. വളവുകളിലുള്ള റോഡ് പുറംപോക്കുകൂടി് എടുത്ത് റോഢിന്റെ വളവുകള് കുറേയൊക്കെ നിവര്ത്താവുന്നതാണ്. ആരെങ്കിലും പുറപോക്കു ഭൂമി കൈവശപ്പെടുത്തിയിട്ടുണ്ടെങ്കില് റോഡിന്റെ വികസനത്തിനായി ഏറ്റെടുക്കേണ്ടതാണ്. വാഴൂര് റോഡിലെ വളവുകള് ഏറെ പ്രശ്നം തന്നെയാണ്.
പ്രതികരിക്കാൻ ഇവിടെ എഴുതുക: