കണ്ണൂര്: വിവിധ ആവശ്യങ്ങള് ഉന്നയിച്ച് കേരള മെഡിക്കല് ആന്റ് സെയില്സ് റെപ്രസെന്റേറ്റീവ് അസോസിയേഷന്റെ(കെഎംഎസ്ആര്എ) ആഭിമുഖ്യത്തില് മെഡിക്കല് റപ്രസെന്റേറ്റീവ്മാര് ഇന്ന് പണിമുടക്കുമെന്ന് അസോസിയേഷന് ഭാരവാഹികള് പത്രസമ്മേളനത്തില് പറഞ്ഞു. മെഡിക്കല്,സെയില്സ് റപ്രസന്റേവ്മാരുടെ തൊഴില്പരമായ അവകാശങ്ങള് സംരക്ഷിക്കുക, ആശുപത്രികളില് തൊഴിലെടുക്കുവാനുളള നിയമപരമായ അവകാശം ഉറപ്പുവരുത്തുക, സെയില്സ് പ്രമോഷന് എംപ്ലോയീസ് ആക്റ്റ് പൂര്ണ്ണമായി നടപ്പാക്കുക, നിയമ ലംഘകരെ ശിക്ഷിക്കുക, വ്യവസായ ത്രികക്ഷി സമിതി വിളിച്ചു ചേര്ക്കുക, സെയില്സിന്റെ പേരിലുള ശിക്ഷണ നടപടികള് അവസാനിപ്പിക്കുക തുടങ്ങി വിവിധ ആവശ്യങ്ങള് ഉന്നയിച്ചാണ് പണിമുടക്ക്. പണിമുടക്കിയ റപ്രസെന്റേറ്റീവ്മാര് പഴയ ബസ്സ്റ്റാന്റ് പരിസരത്ത് വൈകുന്നേരം 3 മണിവരെ ധര്ണ്ണ നടത്തുകയും ചെയ്യും. പത്രസമ്മേളനത്തില് അസോസിയേഷന് ജില്ലാ സെക്രട്ടറി സി.മോഹന്ദാസ് തുടങ്ങിയവര് സംബന്ധിച്ചു.
പ്രതികരിക്കാൻ ഇവിടെ എഴുതുക: