കൊല്ലം: ജില്ലാതല കേരളോത്സവത്തിന് വര്ണ്ണാഭമായ സാംസ്ക്കാരിക ഘോഷയാത്രയോടു കൂടി തുടക്കമായി. ടി.എം.വര്ഗീസ് സ്മാരക ലൈബ്രറി ഹാള് പരിസരത്ത് നിന്നുമാരംഭിച്ച സാംസ്കാരിക ഘോഷയാത്രയില് ജില്ലാ പഞ്ചായത്ത് പ്രസിഡന്റ് കെ.ജഗദമ്മ, വൈസ് പ്രസിഡന്റ് എം.ശിവശങ്കരപ്പിള്ള, സംസ്ഥാന യുവജനക്ഷേമ ബോര്ഡ് അംഗങ്ങളായ അഡ്വ.സി.പി.സുധീഷ്കുമാര്, സി.ആര്.മഹേഷ്, സ്റ്റാന്റിംഗ് കമ്മിറ്റി അദ്ധ്യക്ഷരായ അഡ്വ.ജൂലിയറ്റ് നെല്സണ്, ആശാശശിധരന്, ജയപ്രകാശ്, രമാദേവി എന്നിവരുള്പ്പെടെ മുഴുവന് ജില്ലാ പഞ്ചായത്ത് അംഗങ്ങളും, ജില്ലാ പഞ്ചായത്തിലെ നിര്വ്വഹണ ഉദ്യോഗസ്ഥര്, ജില്ലാ പഞ്ചായത്ത് ജീവനക്കാര്, സെക്രട്ടറി കെ.അനില്കുമാര് എന്നിവരും പങ്കെടുത്തു.
ഘോഷയാത്ര ജില്ലാ പഞ്ചായത്ത് അങ്കണത്തില് സമാപിച്ചു. തുടര്ന്ന് ജില്ലാ പഞ്ചായത്ത് ഐടി ഹാളില് നടന്ന സമ്മേളനത്തില് ജില്ലാ പഞ്ചായത്ത് പ്രസിഡന്റ് കെ.ജഗദമ്മ കേരളോത്സവം ഉദ്ഘാടനം ചെയ്തു. വൈസ് പ്രസിഡന്റ് എം. ശിവശങ്കരപ്പിള്ള അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്പേഴ്സണ് അഡ്വ. ജൂലിയറ്റ് നെല്സണ് സ്വാഗതം പറഞ്ഞു. ജില്ലാ പഞ്ചായത്ത് സ്റ്റാന്റിംഗ് കമ്മിറ്റി അദ്ധ്യക്ഷര്, ജില്ലാ പഞ്ചായത്ത് അംഗങ്ങള്, ജില്ലാപഞ്ചായത്ത് നിര്വ്വഹണ ഉദ്യോഗസ്ഥര്, യുവജനക്ഷേമ ബോര്ഡ് അംഗങ്ങളായ അഡ്വ.സി.പി.സുധീഷ്കുമാര്, സി.ആര്. മഹേഷ്, ജില്ലാ പഞ്ചായത്ത് സെക്രട്ടറി കെ.അനില്കുമാര്, ജില്ലാ പഞ്ചായത്ത് തൊഴില് യൂണിറ്റിലെ അംഗങ്ങള്, ജില്ലാ പഞ്ചായത്ത് ജീവനക്കാര് തുടങ്ങി സാംസ്ക്കാരിക ഘോഷയാത്രയില് പങ്കെടുത്ത മുഴുവന് ആളുകളും ഉദ്ഘാടന സമ്മേളനത്തിലും പങ്കെടുത്തു.
പ്രതികരിക്കാൻ ഇവിടെ എഴുതുക: