ചേര്ത്തല: പട്ടണക്കാട് സര്വ്വീസ് സഹകരണ ബാങ്കിലെ ക്രമക്കേടുകളെ ചൊല്ലി കോണ്ഗ്രസിലും തര്ക്കങ്ങള്. കോണ്ഗ്രസ് ഭരണത്തിലുള്ള ബാങ്കില് നടന്ന ക്രമക്കേടുകള് പാര്ട്ടിക്കും തലവേദനയായിരിക്കുകയാണ്. അതിനാല് തട്ടിപ്പിനെ കുറിച്ച് അന്വേഷിക്കുന്നതിനായി പാര്ട്ടിതലത്തില് പ്രത്യേക സമിതിക്കു രൂപം നല്കി.
കെ.പി.സി.സി നിര്വ്വാഹക സമിതിയംഗം അഡ്വ.സി.കെ.ഷാജിമോഹന്, കയര്കോര്പറേഷന് ചെയര്മാന് കെ.ആര്.രാജേന്ദ്രപ്രസാദ്, ഡിസിസി ജനറല്സെക്രട്ടറി അഡ്വ.എം.കെ.ജിനദേവ്, വയലാര് ബ്ലോക്ക് കോണ്ഗ്രസ് പ്രസിഡന്റ് ജോണിതച്ചാറ എന്നിവരെ കൂടാതെ ബാങ്ക് പ്രസിഡന്റ് അഡ്വ. ആര്. പുരുഷോത്തമഷേണായി, വൈസ് പ്രസിഡന്റും പട്ടണക്കാട് മണ്ഡലം കോണ്ഗ്രസ് പ്രസിഡന്റുമായി എം.കെ. ജയപാലിനെയും ഉള്പെടുത്തിയാണ് സമിതിക്കു രൂപം നല്കിയത്.
ബാങ്കില് 20 കോടിയുടെ ക്രമക്കേടുകള് നടന്നതായാണ് പ്രാഥമിക നിഗമനം. തട്ടിപ്പിന്റെ പേരില് നടപടിക്കു വിധേയരായ ജീവനക്കാരും പാര്ട്ടിയിലെയും അനുകൂല സംഘടനയുടെയും മുന്നിര പ്രവര്ത്തകരും നേതാക്കളുമാണ്. കോണ്ഗ്രസ് അനുകൂല സഹകരണ സംഘം ജീവനക്കാരുടെ സംഘടനയുടെ സംസ്ഥാന പ്രസിഡന്റായിരുന്ന നേതാവടക്കമാണ് തട്ടിപ്പിന്റെ പേരില് നടപടിക്കു വിധേയരായത്. നിലവില് സഹകരണ വകുപ്പു നേതൃത്വത്തിലാണ് തട്ടിപ്പുകളുടെ ആഴം കണ്ടെത്താനുള്ള അന്വേഷണങ്ങള് നടത്തുന്നത്. ഇതിനൊപ്പം തന്നെ പോലീസ് പ്രത്യേക അന്വേഷണത്തിനു സംഘത്തെ നിയോഗിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: