ആലപ്പുഴ: ഊര്ജ്ജിത ഊര്ജ്ജ വികസന പദ്ധതിയുടെ (ആര്എപിഡിആര്പി) ഭാഗമായി ഏരിയല് ബഞ്ച്ഡ് കേബിള് സ്ഥാപിക്കുന്നതിന്റെ ഒന്നാം ഘട്ട പ്രവൃത്തികള്ക്ക് തുടക്കമായി. ആലപ്പുഴ, ചേര്ത്തല, ഹരിപ്പാട് എന്നീ പ്രദേശങ്ങളിലാണ് പദ്ധതി നടപ്പാക്കുന്നത്. കേന്ദ്രഗവണ്മെന്റിന്റെ ആര്എറ്റിഡിആര്സി പദ്ധതി പ്രകാരമാണ്. 60 കിലോമീറ്റര് 11 കെ.വിയില് 204 കിലോമീറ്റര് എല്സി ലൈനുമാണ് സ്ഥാപിക്കുന്നത്. വൈദ്യുതിരംഗത്തെ അപകടങ്ങള് കുറയ്ക്കുന്നതിനും വൈദ്യുതി തടസങ്ങള് ഭാവിയില് കുറയ്ക്കുന്നതിനും വേണ്ടിയാണ് ഏരിയല് ബഞ്ച്ഡ് കേബിള് സ്ഥാപിക്കുന്നത്. ഇത് സ്ഥാപിക്കുന്നതിലൂടെ സ്പര്ശനം മൂലമോ പൊട്ടിവീണാലോ ഷോക്ക് ഏല്ക്കില്ല. വൈദ്യുതി മോഷണവും തടയാന് സാധിക്കും. 24 കോടി രൂപയാണ് ഈ ഭാഗത്തേക്ക് ചിലവാക്കുന്നത്. ആലപ്പുഴ നഗരത്തിലെ കാളാത്ത് നിന്നാണ് പദ്ധതി ആരംഭിച്ചത്. ഘട്ടം ഘട്ടമായി മൂന്ന് മാസത്തിനുള്ള പദ്ധതി പൂര്ത്തീകരിക്കാനാണ് ലക്ഷ്യമിടുന്നത്. ട്രാക്കോ കേബില് കമ്പനിയാണ് കെ.എസ്.ഇ.ബിക്ക് വേണ്ടി പദ്ധതി നടപ്പാക്കുന്നത്. സൈറ്റ് ഇന്ചാര്ജ്ജ് ചന്ദ്രന്റെ നേതൃത്വത്തിലാണ് ആലപ്പുഴയിലെ പ്രവര്ത്തികള് ആരംഭിച്ചത്. പദ്ധതി നടപ്പാക്കുന്നതിന്റെ ഭാഗമായി പ്രദേശിക അടിസ്ഥാനത്തില് ഭാഗികമായോ പൂര്ണ്ണമായോ വൈദ്യുതി തടസ്സം നേരിടാന് സാധ്യതയുണ്ട്.
പ്രതികരിക്കാൻ ഇവിടെ എഴുതുക: