ചങ്ങനാശേരി: നൂറ്റിമുപ്പത്തിയൊന്പതാമത് മന്നംജയന്തി ആഘോഷം ജനുവരി ഒന്ന്,രണ്ട് തീയതികളില് പെരുന്ന മന്നം നഗറില് നടക്കുമെന്ന് എന്.എസ്.എസ്. ജനറല് സെക്രട്ടറി ജി. സുകുമാരന്നായര് പത്രസമ്മേളനത്തില് അറിയിച്ചു. ജനുവരി ഒന്നിന് അഖിലകേരള നായര് പ്രതിനിധി സമ്മേളനം. രാവിലെ 6 ന്പ്രഭാതഭേരി, 8 മുതല് മന്നം സമാധിയില് പുഷ്പാര്ച്ചന.10.15 ന് നടക്കുന്ന അഖിലകേരള നായര് പ്രതിനിധി സമ്മേളനത്തില് എന്.എസ്. എസ്. പ്രസിഡന്റ് പി.എന്. നരേന്ദ്രനാഥന് നായര് അധ്യക്ഷത വഹിക്കും. ജനറല് സെക്രട്ടറി ജി. സുകുമാരന്നായര് സ്വാഗതവും വിശദീകരണവും നടത്തും. കരയോഗം രജിസ്ട്രാര് കെ.എന്. വിശ്വനാഥന്പിള്ള കൃതജ്ഞത പറയും. ഉച്ചകഴിഞ്ഞ് 2.15 ന് മധുരൈ ടി.എന്.എസ്. കൃഷ്ണയുടെ സംഗീതസദസ്സ്, വൈകിട്ട് 5 ന് കഥാപ്രസംഗം- ‘മന്നത്തു പത്മനാഭന്’. വൈകിട്ട് 7.30 ന് ചലച്ചിത്രപിന്നണി ഗായകന് മധു ബാലകൃഷ്ണന്നയിക്കുന്ന ഗാനമേള. രാത്രി 10.30 മുതല് തിരുവല്ല ശ്രീവല്ലഭവിലാസം കഥകളിയോഗത്തിന്റെ മേജര്സെറ്റ് കഥകളി.
മന്നം ജയന്തി ദിനമായ ജനുവരി രണ്ടിന് രാവിലെ 6ന് പ്രഭാതഭേരി, ഭക്തിഗാനാലാപനം. 7.30 ന് മന്നം സമാധിയില് പുഷ്പാര്ച്ചന. 8ന് വെട്ടിക്കവല കെ.എന്. ശശികുമാറും സംഘവും അവതരിപ്പിക്കുന്ന നാഗസ്വരക്കച്ചേരി. 10.45ന് വിശിഷ്ടാതിഥികള്ക്ക് സ്വീകരണം. 11ന് മന്നം ജയന്തിസമ്മേളനം കര്ദ്ദിനാള് ബസേലിയോസ് ക്ലിമ്മീസ് കതോലിക്കാബാവ ഉദ്ഘാടനം ചെയ്യും. എന്.എസ്. എസ്. പ്രസിഡന്റ് പി.എന്. നരേന്ദ്രനാഥന്നായര് അധ്യക്ഷത വഹിക്കും. ജനറല് സെക്രട്ടറി ജി. സുകുമാരന്നായര് സ്വാഗതം പറയും. ആഭ്യന്തരവകുപ്പ് മന്ത്രി രമേശ് ചെന്നിത്തല, നോര്ക്ക റൂട്ട്സ് വൈസ് ചെയര്മാന് അഡ്വ. സി. കെ.മേനോന് എന്നിവര് സംസാരിക്കും എന്.എസ്. എസ്. ട്രഷറര് ഡോ. എം. ശശികുമാര് നന്ദി പറയും.
പ്രതികരിക്കാൻ ഇവിടെ എഴുതുക: