മംഗളൂരു: കര്ണാടകയിലെ ബാംഗ്ലൂരിനടുത്തുള്ള മൂലഹള്ളയില് കാറും ലോറിയും കൂട്ടിയിടിച്ച് നാല് അയ്യപ്പ ഭക്തര് മരിച്ചു. അപകടത്തില് ഏഴു പേര്ക്ക് പരുക്കേറ്റു.
അപകടത്തില് പരുക്കേറ്റവരെ ബത്തേരിയിലെയും ഗുണ്ടല്പേട്ടയിലെയും ആശുപത്രിയില് പ്രവേശിപ്പിച്ചു. പുലര്ച്ചെ ആറ് മണിയോടെയായിരുന്നു അപകടം.
പത്തോളം പേര് കാറിലുണ്ടായിരുന്നുവെന്നാണ് പ്രാഥമിക നിഗമനം. മരിച്ചവര് കര്ണാടകയിലെ തുംകൂര് സ്വദേശികളാണ്.
ശബരിമല ദര്ശനം കഴിഞ്ഞ് ടവേര കാറില് മടങ്ങുകയായിരുന്ന അയ്യപ്പന്മാരാണ് അപകടത്തില്പ്പെട്ടത്. സുല്ത്താന്ബത്തേരിയില് നിന്നെത്തിയ കേരള പോലീസും ഫയര്ഫോഴ്സുമാണ് രക്ഷാപ്രവര്ത്തനം നടത്തിയത്.
മൃതദേഹങ്ങള് സുല്ത്താന് ബത്തേരിയിലെ വിവിധ ആശുപത്രികളില് സൂക്ഷിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക: