മുഹമ്മ: മണ്ണഞ്ചേരി പഞ്ചായത്തിന്റെ അധീനതയിലുള്ള ഭൂമി കയ്യേറി സ്വകാര്യ വ്യക്തികള് നിര്മാണ പ്രവര്ത്തനം നടത്തുന്നുവെന്ന് ആക്ഷേപം ഉയര്ന്നു. ജംഗ്ഷന് സമീപത്തെ പുറംപോക്ക് ഭൂമിയില് നിരവധിപേരാണ് അനധികൃതമായി സ്ഥലം കൈയേറി കെട്ടിടമടക്കമുള്ളവ നിര്മിക്കുന്നുവെന്നാണ് ആക്ഷേപം.
കഴിഞ്ഞ ദിവസം ബസ്റ്റാന്റിന് സമീപത്തെ പഞ്ചായത്ത്വക ഷോപ്പിംങ് കോംപ്ലക്സിനോട് ചേര്ന്ന് സ്വകാര്യ വ്യക്തി അനധികൃതമായി കെട്ടിടം നിര്മ്മിച്ചു. ഇതിനെതിരെ പൊതുപ്രവര്ത്തകന് പഞ്ചായത്തില് പരാതി നല്കി. ഇതേ തുടര്ന്ന് പഞ്ചായത്ത് അധികൃതര് ഇടപെടുകയും നിര്മ്മിച്ച ഭാഗം പൊളിച്ചുനീക്കാന് നിര്ദേശം നല്കുകയും ചെയ്തു.
ഇത്തരത്തില് ജംഗ്ഷന്റെ നാലുഭാഗങ്ങളിലേയ്ക്കുമുള്ള റോഡുകള് കയ്യേറി പലരും കെട്ടിടങ്ങള് നിര്മ്മിച്ചിട്ടുണ്ട്. ഇത്തരത്തില് പണികഴിയിപ്പിച്ച മുഴുവന് കെട്ടിടങ്ങളും ഒഴിപ്പിക്കാനാണ് പഞ്ചായത്തിന്റെ തീരുമാനമെന്ന് പഞ്ചായത്ത് പ്രസിഡന്റ് തങ്കമണി ഗോപിനാഥ് പറഞ്ഞു. പഞ്ചായത്തിന് അധീനതയിലുള്ള ഭൂമിയില് നടന്നിട്ടുള്ള അനധികൃത നിര്മാണം ഒഴിപ്പിക്കുന്നതിന് ആദ്യം നോട്ടീസ് നല്കുകയും നിര്ദ്ദേശം ലംഘിച്ചാല് പോലീസ് സഹായത്തോടെ പൊളിച്ച്നീക്കാനാണ് പഞ്ചായത്തിന്റെ തീരുമാനം.
പ്രതികരിക്കാൻ ഇവിടെ എഴുതുക: