കോഴിക്കോട്: പൊന്നങ്കോട്കുന്ന് തൃക്കൈപ്പറ്റ മഹാക്ഷേത്രത്തില് നടക്കുന്ന ശ്രീചക്ര നവാവരണ പൂജയോട് അനുബന്ധിച്ചുള്ള പ്രഭാഷണ പരമ്പര ഇന്ന് മൂന്നാം ദിവസത്തിലേക്ക്. രാത്രി 7.30ന് വ്രതാനുഷ്ഠാനങ്ങളും ആദ്ധ്യാത്മിക ജീവിതവും എന്ന വിഷയത്തില് പട്ടയില് പ്രഭാകരന് പ്രഭാഷണം നടത്തും. വൈകിട്ട് ആറുമുതല് തളി രാധാകൃഷ്ണ ഭജന മണ്ഡലിയുടെ ഭജന അരങ്ങേറും. ഇന്നലെ വൈകിട്ട് പ്രാണശക്തിയും ആരോഗ്യവും എന്ന വിഷയത്തില് ഡോ. സി. കൃഷ്ണന് നമ്പൂതിരി പ്രഭാഷണം നടത്തി. കലാമണ്ഡലം മഹേന്ദ്രന് അവതരിപ്പിച്ച കിരാതം ഓട്ടന്തുള്ളലും അരങ്ങേറി.
ഡോ. വി. കെ. എസ്. മേനോന് അദ്ധ്യക്ഷത വഹിച്ച ചടങ്ങില് സ്വാമി ആപ്തലോകാനന്ദ പ്രഭാഷണ പരമ്പര ഉദ്ഘാടനം ചെയ്തു. ഈശ്വര സങ്കല്പ്പവും ക്ഷേത്രാചാരങ്ങളും എന്ന വിഷയത്തില് എ.കെ.ബി. നായര് പ്രഭാഷണം നടത്തി. നൃത്തനൃത്യങ്ങളും അരങ്ങേറി. നാളെ രാത്രി 7.30ന് ഡോ. പ്രിയദര്ശന്ലാല് പ്രഭാഷണം നടത്തും. പ്രഭാഷണം, കലാസാംസ്കാരിക പരിപാടികള് എന്നിവയുണ്ടാകും. 21,22,23 തിയ്യതികളില് മൃത്യുഞ്ജയഹോമം, സുദര്ശന ഹോമം, ഭഗവതി സേവ എന്നിവ നടക്കും. 24 നാണ് ശ്രീചക്ര നവാവരണ പൂജ.
പ്രതികരിക്കാൻ ഇവിടെ എഴുതുക: