മുട്ടം: മുട്ടം പഞ്ചായത്ത് ബസ്സ്റ്റാന്റ് ടാക്സി വാഹനങ്ങള്ക്ക് അനുഗ്രഹമാകുന്നു. ബസുകള് കൈയൊഴിഞ്ഞ സ്റ്റാന്റ് ഇപ്പോള് ടാക്സി വാഹനങ്ങള് പാര്ക്കിംഗിനായി ഉപയോഗിക്കുകയാണ്. മുട്ടം വഴി കടന്നു പോകുന്ന മുഴുവന് ബസുകളും സ്റ്റാന്റില് കയറി ഇറങ്ങണമെന്നായിരുന്നു തീരുമാനം. എന്നാല് സമയനഷ്ടം കാരണമായി പറഞ്ഞ് മൂലമറ്റം ഭാഗത്തേക്കുള്ള ബസുകള് സ്റ്റാന്റില് കയറുവാന് തയ്യാറായില്ല. മൂലമറ്റം ഭാഗത്തേക്കുള്ള ബസുകള് സ്റ്റാന്റിനെ കൈയൊഴിഞ്ഞതോടെ മറ്റ് ബസുകളും ഇവിടെ കയറാതായി.ഈരാറ്റുപേട്ട ഭാഗത്തേക്കുള്ള ബസുകള് സ്റ്റാന്റിന് മുമ്പില് നിര്ത്തി ആളെ കയറ്റുന്നത് ഗതാഗത തടസ്സം സൃഷ്ടിക്കുന്നു.ഇത് വഴിയുള്ള മുഴുവന്ബസുകളും സ്റ്റാന്ന്റില് കയറിയാല് ഈ ഭാഗത്തുള്ള കച്ചവടക്കാര്ക്ക് അത് അനുഗ്രഹമായേനെ.ബസ്സ്റ്റാന്റിന്റെ സാധ്യത മുമ്പില് കണ്ട് കച്ചവട സ്ഥാപനം ആരംഭിച്ചവര് ഇപ്പോള് കുടുക്കിലായിരിക്കുകയാണ്. ഈരാറ്റുപേട്ട ഭാഗത്തേക്ക് പോകുന്ന ബസുകള് എങ്കിലും സ്റ്റാന്റില് കയറുവാനുള്ള നടപടികള് സ്വീകരിക്കണമെന്ന ആവശ്യം ശക്തമായി.
പ്രതികരിക്കാൻ ഇവിടെ എഴുതുക: