എരുമേലി: സമ്പൂര്ണ ശുചിത്വം ലക്ഷ്യമാക്കി രണ്ടാമത് എരുമേലി ശുചിത്വ സംഗമം നാളെ നടത്തും. എരുമേലി ഗ്രാമപഞ്ചായത്ത്, സിറ്റിസണ് ഇന്ത്യ ഫൗണ്ടേഷന്, എം. ഇ. എസ്. കോളജ്, എന്എസ്എസ് യൂണിറ്റ് എന്നിവ സംയുക്തമായാണ് സംഗമം സംഘടിപ്പിക്കുന്നത്.
21ന് രാവിലെ പത്തിന് പേട്ട ശ്രീധര്മ്മ ശാസ്താ ക്ഷേത്രത്താങ്കണത്തില് പരിപാടിയുടെ ഉദ്ഘാടനം മന്ത്രി രമേശ് ചെന്നിത്തല നിര്വഹിക്കും. എരുമേലി ഗ്രാമപഞ്ചായത്ത് പ്രസിഡന്റ് ടി. എസ്. കൃഷ്ണകുമാര് അധ്യക്ഷത വഹിക്കും. മുന് പ്രധാനമന്ത്രിയുടെ പ്രിന്സിപ്പല് സെക്രട്ടറിയായിരുന്ന സിഫിന്റെ ചെയര്മാനുമായ ടി. കെ. എ. നായര് മുഖ്യപ്രഭാഷണം നടത്തും. ചന്ദ്രശേഖരന് നായര്, ജമാഅത്ത് പ്രസിഡന്റ്് പി. എ. ഇര്ഷാദ്, എം. ഇ. എസ്.കോളജ് പ്രിന്സിപ്പല് ഇന് ചാര്ജ് എന്. എസ്. ഷംലാ ബീഗം, വ്യാപാരി വ്യവസായി ജില്ലാ സെക്രട്ടറി മുജീബ് റഹ്മാന്, എന്. എസ്. എസ്. പ്രോഗ്രാം കോര്ഡിനേറ്റര് ഹരീഷ് കുമാര്, എം. ബി. ഉണ്ണികൃഷ്ണന്, രവീന്ദ്രന് എരുമേലി, ത്രിതലപഞ്ചായത്തംഗങ്ങള്, വിദ്യാര്ഥികള്, പോലീസ്, ഹെല്ത്ത്, ദേവസ്വം വകുപ്പ് ഉദ്യോഗസ്ഥര്, പരിസ്ഥിതി പ്രവര്ത്തകര് തുടങ്ങിയവര് പങ്കെടുക്കും. 22ന് എം ഇഎസ് കോളജില് വച്ച് നടത്തുന്ന ചടങ്ങില് രക്തദാനസേന രൂപീകരണ ഉദ്ഘാടനം മന്ത്രി വി. എസ്. ശിവകുമാര് നിര്വഹിക്കും.
പ്രതികരിക്കാൻ ഇവിടെ എഴുതുക: