ബെയ്ജിങ്: 2015 ലെ ലോകസുന്ദരിപ്പട്ടം സ്പെയിനിന്റെ മിറേയ ലലാഗു റോയോ കരസ്ഥമാക്കി. സാന്യയിലെ ഗ്രാന്ഡ് തിയറ്ററില് നടന്ന മല്സരത്തില് 144 രാജ്യങ്ങളിലെ സുന്ദരികളെ പിന്തള്ളിയാണ് സ്പെയിനിന്റെ മിറേയ ലാലഗു റോസെ ലോക സുന്ദരി കിരീടം സ്വന്തമാക്കിയത്.
ഇതാദ്യമായാണ് സ്പെയിനിന് ലോകസുന്ദരിപ്പട്ടം ലഭിക്കുന്നത്. റഷ്യയുടെ സോഫിയ നികിത്ചുക് ആണ് രണ്ടാം സ്ഥാനത്ത് എത്തിയത്. ഇന്ഡോനേഷ്യയുടെ മരിയ ഹര്ഭാന്തി മൂന്നാം സ്ഥാനവും നേടി.
കഴിഞ്ഞ വര്ഷത്തെ ജേതാവായ ദക്ഷിണാഫ്രിക്കയുടെ ജോളിന് സ്ട്രോസ് മിറേയയെ കിരീടമണിയിച്ചു.ചടുലമായ വാക്ചാതുരിയാണ് ലലാഗുനയ്ക്ക് തുണയായത്. ബാഴ്സലോണയാണ് 23 കാരിയായ ലലാഗുനയുടെ സ്വദേശം. ഫാര്മക്കോളജിയില് ബിരുദം നേടിയ ലലാഗുന മോഡലിംഗ് രംഗത്ത് സജീവമായിരുന്നു.
പ്രതികരിക്കാൻ ഇവിടെ എഴുതുക: