കൊല്ലം: വിവിധ കഞ്ചാവ് കേസിലെ പിടികിട്ടാപുള്ളി പരവൂര് സുനാമി എട്ടാം നമ്പര് ഫഌറ്റിലെ കലേഷ് (29) നെ എക്സൈസ് അറസ്റ്റ് ചെയ്തു. കഴിഞ്ഞ രാത്രിയില് ഇയാള് സുനാമി ഫഌറ്റിന് സമീപമുള്ള കുറ്റിക്കാട്ടിലിരുന്ന് മൊബൈല് ഫോണ് മുഖാന്തിരം ചില്ലറവില്പ്പനക്കാര്ക്ക് കഞ്ചാവ് വില്ക്കുന്നതിനിടെയാണ് പിടികൂടിയത്. ഡപ്യൂട്ടി എക്സൈസ് കമ്മീഷണര് അനില്കുമാറിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു അറസ്റ്റ്. ഒന്നരകിലോ കഞ്ചാവും മൊബൈല്ഫോണും കഞ്ചാവ് വിറ്റ പണവും ഇയാളില് നിന്നും പിടിച്ചെടുത്തു. രണ്ട് വര്ഷംമുമ്പ് കഞ്ചാവുകേസില് ജയില്വാസം കഴിഞ്ഞ് ഇറങ്ങിയ ശേഷം കേരളത്തിലെ വിവിധ ജില്ലകളിലെ ചെറുകിട കച്ചവടക്കാര്ക്ക് ഇയാളാണ് കഞ്ചാവ് വില്പ്പന നടത്തിവന്നത്. മയക്കുമരുന്നും ഇയാള് കടത്തിയിട്ടുണ്ട്. സര്ക്കിള് ഇന്സ്പെക്ടര് താജുദ്ദീന്കുട്ടി, പ്രിവന്റീവ് ഓഫീസര്മാരായ ബെനാന്സണ്, എസ്.നിഷാദ്, സിവില്എക്സൈസ് ഓഫീസര്മാരായ ഡി.ശ്രീജയന്, എസ്.സുനില്കുമാര്, എസ്.അനീഷ്കുമാര്, ആര്.മനീഷ്യസ്, ബിജി, ഗംഗ എന്നിവര് സംസാരിക്കും.
പ്രതികരിക്കാൻ ഇവിടെ എഴുതുക: