കണ്ണൂര്: കേരള സര്ക്കാര് പ്രഖ്യാപിച്ച വിലസ്ഥിരതാഫണ്ടിനാവശ്യമായ സഹായം നല്കാന് കേന്ദ്രസര്ക്കാരിനോട് ആവശ്യപ്പെടുമെന്ന് മന്ത്രി കെ.സി.ജോസഫ് പറഞ്ഞു. ആലക്കോട് റബ്ബര് ബോര്ഡ് റീജിയണല് നഴ്സറിയുടെ സുവര്ണ ജൂബിലി ആഘോഷം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
കാര്ഷികരംഗം നേരിടുന്ന വിലത്തകര്ച്ച റബ്ബര് മേഖലയില് മാത്രമല്ല. നാടിന്റെ സമ്പദ് ഘടനയില് തന്നെ മുഖ്യ പങ്കു വഹിക്കുന്ന റബ്ബര് കൃഷിയിലെ പ്രതിസന്ധികള് തരണം ചെയ്യണം. അതിനായി വിലസ്ഥിരതാഫണ്ട് മുടങ്ങാതെ മുന്നോട്ടുകൊണ്ടു പോകാനുള്ള ശ്രമങ്ങളുണ്ടാവണം. കാര്ഷികരംഗത്തെ വിലത്തകര്ച്ച കര്ഷകര്ക്കുമാത്രമായി പരിഹരിക്കാവുന്നതല്ല. ആഗോളരംഗത്തെ പ്രശ്നങ്ങള് മറികടക്കാന് കേരളം ശ്രമിക്കും. തൊഴിലുറപ്പ് പദ്ധതി കാര്ഷികമേഖലയിലും വ്യാപിപ്പിക്കാനുള്ള ശ്രമങ്ങള് ഉണ്ടാവണമെന്നും മന്ത്രി കൂട്ടിച്ചേര്ത്തു. 1936 ല് ആലക്കോട് എത്തിയ പി.ആര്.രാമരാജവര്മയാണ് 1965 ല് ആലക്കോട് റബ്ബര്മാര്ക്കറ്റിംഗ് സൊസൈറ്റി ആരംഭിച്ചത്.
ചടങ്ങില് ആലക്കോട് ഗ്രാമപഞ്ചായത്ത് പ്രസിഡന്റ് മോളി കാടന്കാവില് അധ്യക്ഷത വഹിച്ചു. തളിപ്പറമ്പ് ബ്ലോക്ക് പഞ്ചായത്ത് വൈസ് പ്രസിഡന്റ് വി.പി.ഗോവിന്ദന്, പി.കെ.ഗിരിജാമണി, റബ്ബര് പ്രൊഡക്ഷന് കമ്മീഷണര് പി.വി.ക്ലാരമ്മ, വി.മുഹമ്മദ് മുനീര്, പി.ടി.തമ്പി, റബ്ബര് ഡവലപ്പമെന്റ് ഓഫീസര് ബിനോയ് ലൂക്കോസ്, തോമസ് സ്കറിയാസ് തുടങ്ങിയവര് സംസാരിച്ചു. പി.ആര് രാമരാജവര്മയുടെ പ്രവര്ത്തനങ്ങളെ ഓര്മിപ്പിച്ചുകൊണ്ട് രാജകുടുംബാംഗത്തിനുള്ള ഉപഹാരം സി.പി.മണിയന് നായര് സമര്പ്പിച്ചു.
പ്രതികരിക്കാൻ ഇവിടെ എഴുതുക: