കണ്ണൂര്: എടച്ചൊവ്വയിലെ ബിജെപി പ്രവര്ത്തകന് റിജുവിന്റെ വീട് നേരെ ഇന്നലെ രാത്രി 10മണിക്ക് അക്രമം നടത്തുകയും വീട്ടിലുണ്ടായിരുന്ന റിജുവിന്റെ അമ്മയേയും സഹോദരനെയും അസഭ്യം പറയുകയും ഭീഷണിപ്പെടുത്തുകയും ചെയ്തു. സംഭവത്തില് ബിജെപി കണ്ണൂര് നിയോജകമണ്ഡലം കമ്മറ്റി പ്രതിഷേധിച്ചു.
സമാധാനന്തരീക്ഷം നിലനില്ക്കുന്ന എടച്ചൊവ്വയിലും പരിസരപ്രദേശങ്ങളിലും കുറച്ച് കാലങ്ങളായി ബിജെപി പ്രവര്ത്തകരെ മര്ദ്ദിക്കുകയും വീടുകള്ക്ക് നേരെ ബോംബെറിയുകയും, ബൈക്ക് കത്തിക്കുകയും അടക്കമുള്ള നിരവധി സംഭവങ്ങള് സിപിഎം ചില ക്രിമിനല് സംഘങ്ങളെ ഉപയോഗിച്ച് നടത്തുകയാണ്. ഇത്തരം വിഷയങ്ങളില് അതാത് സമയങ്ങളില് പോലിസില് പരാതി നല്കിയിട്ടും വേണ്ട നടപടികള് സ്വീകരിക്കാത്തതാണ് ഇത്തരം ക്രിമിനല് സംഘങ്ങള്ക്ക് പ്രചോദനമാകുന്നത്. പോലീസ് ഇത്തരം സംഘങ്ങള്ക്കെതിരെ ശക്തമായ നടപടി സ്വീകരിക്കണമെന്നും ജനാധിപത്യ വിശ്വാസികള് ഇത്തരം സംഘങ്ങളെ തിരിച്ചറിഞ്ഞ് ഒറ്റപ്പെടുത്തണമെന്നും മണ്ഡലം കമ്മറ്റി യോഗം അഭ്യര്ത്ഥിച്ചു. യോഗത്തില് മണ്ഡലം പ്രസിഡണ്ട് ടി.സി.മനോജ് അധ്യക്ഷത വഹിച്ചു. എ.ഒ.രാമചന്ദ്രന്, കെ.കെ.ശശിധരന്, കെ.സുശീല്, റിത്തേഷ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: