മുഹമ്മ: അപൂര്വ്വ രോഗം ബാധിച്ച യുവതിയായ വീട്ടമ്മയുടെ ദുരിതം നാടിന്റെ നൊമ്പരമായി. മണ്ണഞ്ചേരി പഞ്ചായത്ത് രണ്ടാം വാര്ഡില് പാട്ടുവെളിയില് മിനി (41)യാണ് രോഗംമൂലം വലയുന്നത്. ശരിരത്തില് നീര്കെട്ട് മൂലം നടക്കാനാവാത്ത തരത്തില് ബാലന്സ് നഷ്ടപ്പെട്ട അവസ്ഥയിലാണ് മിനിയിപ്പോള്. കോട്ടയം മെഡിക്കല് കോളേജില് നടത്തിയ പരിശോധനഫലത്തില് ശരീര ഞരമ്പുകള് ദ്രവിച്ചുതുടങ്ങിയതായും കണ്ടെത്തിയിട്ടുണ്ട്.
ആധുനികസൗകര്യമുള്ള ആശുപത്രിയില് ചികില്സലഭിച്ചാല് മിനിയെ ജീവിതത്തിലേക്ക് തിരിച്ചുകൊണ്ടുവരാന് കഴിയും എന്നാണ് ഡോക്ടര്മാരുടെ അഭിപ്രായം. കയര്ഫാക്ടറി തൊഴിലാളിയായിരുന്ന അശോകന് ഭാര്യയുടെ രോഗബാധയെ തുടര്ന്ന് മാനസികമായി തളര്ന്ന് ഹൃദയാഘാതം മൂലം കഴിഞ്ഞ ദിവസം മരിച്ചിരുന്നു. ഏക ആശ്രയമായിരുന്ന അശോകന് മരിച്ചതോടെ ഈ കുടുംബത്തിന്റെ അവസ്ഥ കൂടുതല് ദയനീയമായി. പതിനേഴ് വയസുള്ള അഭിനിമയും പതിമൂന്നുകാരനായ അഭിജിത്തും അമ്മയുടെ രോഗവും അച്ഛന്റെ വേര്പാടും മൂലം മാനസികമായി തകര്ന്നു. ഈ നിര്ദ്ധനകുടുംബത്തെ സഹായിക്കാന് സുമനസ്സുകള് മുന്നോട്ട് വരുമെന്നാണ് പ്രതീക്ഷിക്കുന്നത്. ഫോണ്: 9446856672.
പ്രതികരിക്കാൻ ഇവിടെ എഴുതുക: