മാഹി: അഴിയൂര് ഗവണ്മെന്റ് ഹയര് സെക്കന്ററി സ്കൂലിലെ അക്കാദമിക്, ഭൗതിക സാഹചര്യം എന്നിവ അന്തര്ദ്ദേശീയ തലത്തിലേക്ക് ഉയര്ത്താന് നടപടികളാവുന്നു. വിദ്യാഭ്യാസ വകുപ്പ് കടലോര മേഖലയിലെ സ്കൂളുകള് തെരഞ്ഞെടുത്ത് പിന്തുണ സംവിധാനം ഏര്പ്പെടുത്തുന്നതിന്റെ ഭാഗമായാണ് നടപ്പിലാക്കുന്നത്. ആറ് കോടി രൂപയുടെ വികസന പ്രവര്ത്തനങ്ങള്ക്ക് രൂപരേഖയായി. ആധുനിക സംവിധാനമുള്ള സ്മാര്ട്ട് ക്ലാസ് മുറികള്, യുപി തലം മുതല് ലാബ് സൗകര്യം, റസ്റ്റ് റൂം, ഗേള്സ് റൂം, ശൗചാലയങ്ങള്, ചുറ്റുമതില്, കളിക്കളം, ഓഡിറ്റോറിയം, പാര്ക്ക്, കാന്റീന് തുടങ്ങിയവ സ്ഥാപിക്കും. ഇതിനായി കര്മ്മസമിതി രൂപീകരിക്കാന് ജനപ്രതിനിധികള്, സാമൂഹ്യ, രാഷ്ട്രീയ, സാംസ്കാരിക സംഘടനാ പ്രതിനിധികള്, വിദ്യാഭ്യാസ വിദഗ്ദര് എന്നിവരുടെ യോഗം തീരുമാനിച്ചു. ജില്ലാ പഞ്ചായത്തംഗം എ.ടി.ശ്രീധരന് ഉദ്ഘാടനം ചെയ്തു. പഞ്ചായത്ത് പ്രസിഡണ്ട് ഇ.ടി.അയൂബ് അധ്യക്ഷത വഹിച്ചു. ഡിഇഒ ഇ.കെ.സുരേഷ് കുമാര്, പ്രിന്സിപ്പാള് പി.പ്രേമലത, പ്രധാനാധ്യാപിക എം.എം.റാണി, കെ.പി.ചെറിയകോയത്തങ്ങള്, പ്രദീപ് ചോമ്പാല, വി.പി.സുരേന്ദ്രന്, പി.നാണു, കെ.ടി.ദിനേശ്, റീന രയരോത്ത്, ജാസ്മീന കല്ലേരി എന്നിവര് സംസാരിച്ചു. ഭാരവാഹികളായി ഇ.ടി.അയൂബ്-ചെയര്മാന്, എം.എം.റാണി-ജനറല് കണ്വീനര് എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: