ആലപ്പുഴ: പഴയനടക്കാവ് റോഡ് നിര്മ്മാണം അനന്തമായി നീളുന്നു. കളര്കോട് മുതല് അമ്പലപ്പുഴ ക്ഷേത്രത്തിന്റെ വടക്കേനട വരെ ദേശീയ പാതയ്ക്ക് സമാന്തരമായി എത്തിച്ചേരുന്ന റോഡിനാണ് ഈ ദുരവസ്ഥ. രണ്ടാംഘട്ടത്തില് ഏഴു കോടിരൂപ അനുവദിച്ച് റോഡിന്റെ പണി ആരംഭിച്ചിരുന്നു.
എന്നാല് കഴിഞ്ഞ നാലര വര്ഷക്കാലമായി റോഡിന്റെ പൂര്ത്തീകരണത്തിനു യാതൊരു നടപടിയും സ്വീകരിച്ചിട്ടില്ല. ജനപ്രതിനിധികളും, ബിജെപിയും അടക്കം നടത്തിയ സമരങ്ങളെ തുടര്ന്ന് 2014 മാര്ച്ച് മാസം റോഡിന്റെ പണി പൂര്ത്തീകരിക്കുമെന്ന് ഉറപ്പ് നല്കിയിരുന്നു. ഇപ്പോള് ഈ വഴിയിലൂടെ ഉണ്ടായിരുന്ന ബസ് സര്വ്വീസും നിര്ത്തലാക്കിയിരിക്കുകയാണ്. മഴക്കാലമായാലും വേനല്കാലമായാലും ആളുകള്ക്ക് ചില സ്ഥലങ്ങളില് നടന്നുപോലും പോകാന് പറ്റാത്ത സ്ഥിതിയാണ്.
നിരവധി വാര്ത്തകള് പത്രങ്ങളിലൂടെ പുറത്തുവന്നിട്ടും അധികാരികള് ആവശ്യമായ നടപടി സ്വീകരിക്കുന്നില്ല. ഇത്രുയം കാലമായിട്ടും പ്രവര്ത്തി പൂര്ത്തിയാക്കാത്ത കോണ്ട്രാക്ടര്ക്കെതിരെ യാതൊരു നടപടിയും സ്വീകരിക്കുന്നില്ല. പണം അനുവദിച്ചിട്ട് പഴനടക്കാവ് റോഡ്പണി പൂര്ത്തീകരിക്കാത്തതിനെതിരെ ശക്തമായ സമരത്തിന് നേതൃത്വം നല്കുമെന്ന് ജി.സുധാകരന് എംഎല്എ അറിയിച്ചു.
പ്രതികരിക്കാൻ ഇവിടെ എഴുതുക: