ആലപ്പുഴ: ജനുവരി മുതല് വിവിധ വകുപ്പുകളുടെ പദ്ധതി നിര്വഹണ പ്രതിമാസ പുരോഗതി ഓണ്ലൈന് സംവിധാനത്തിലൂടെയാണ് വിലയിരുത്തുകയെന്ന് അഡീഷണല് ജില്ലാ മജിസ്ട്രേറ്റ് റ്റി.ആര്. ആസാദ് പറഞ്ഞു. ജില്ലാ വികസനസമിതി യോഗത്തില് ആധ്യക്ഷ്യം വഹിക്കുകയായിരുന്നു അദ്ദേഹം.
സംസ്ഥാന ആസൂത്രണ ബോര്ഡ് തയാറാക്കിയ പ്ലാന് സ്പേസ് എന്ന വെബ്സൈറ്റിലേക്കാണ് (ംംം. ുഹമി െുമരല.സലൃമഹമ.ഴീ്.ശി) വകുപ്പുകള് പദ്ധതി സംബന്ധിച്ച ഭൗതിക നേട്ടങ്ങളും തുക ചെലവഴിക്കല് അടക്കമുള്ള വിവരങ്ങളും നല്കേണ്ടതെന്ന് ജില്ലാ പ്ലാനിങ് ഓഫീസര് കെ.എസ്. ലതി പറഞ്ഞു. വിവരങ്ങള് അപ്ലോഡ് ചെയ്യുന്നതിന് ഉദ്യോഗസ്ഥര്ക്ക് പരിശീലനം നല്കിയിരുന്നു. ജനുവരിയിലെ ജില്ലാ വികസന സമിതി യോഗം മുതല് പദ്ധതി നിര്വഹണ പുരോഗതി വെബ്സൈറ്റ് മുഖേനയാണ് വിലയിരുത്തുക. ഫണ്ട് ചെലവഴിക്കല് വിവരങ്ങളുടെ ശതമാനവും തുകയും നേട്ടവും ഓണ്ലൈനിലൂടെ അറിയാം.
നവംബര് 30 വരെ എ.കെ. ആന്റണി എം.പി.യുടെ പ്രാദേശിക വികസന ഫണ്ടുപയോഗിച്ച് 2005-16 കാലയളവില് 25.01 കോടി രൂപയുടെ 126 പദ്ധതികള് പൂര്ത്തീകരിച്ചതായി യോഗം വിലയിരുത്തി. 45 പദ്ധതികള് പുരോഗമിക്കുന്നു. വയലാര് രവി എം.പി.യുടെ പ്രാദേശിക വികസന ഫണ്ടുപയോഗിച്ച് 2003-16 കാലയളവില് 29.26 കോടി രൂപയുടെ 480 പദ്ധതികള് പൂര്ത്തീകരിച്ചു. 85 പദ്ധതികള് പുരോഗമിക്കുന്നു.
പ്രതികരിക്കാൻ ഇവിടെ എഴുതുക: