പരിപ്പ്: ശതാബ്ദിയുടെ നിറവിലെത്തിയ പരിപ്പ് ഹൈസ്കൂളിന്റെ ഒരുവര്ഷം നീണ്ടുനില്ക്കുന്ന ആഘോഷ പരിപാടികളുടെ രണ്ടാംഘട്ടം നാളെ നടക്കും. രാവിലെ 10.30ന് സ്കൂള് മാനേജര് ആര്. ഗോപീകൃഷ്ണന് ഓളവൂര്മഠം പതാക ഉയര്ത്തും. തുടര്ന്ന് നടക്കുന്ന കുടുംബമേളയില് മുന് പ്രഥമാധ്യാപകനായ ടി.ആര്. കൃഷ്ണന് നായര് അദ്ധ്യക്ഷത വഹിക്കും. മുന് സ്കൂള് മാനേജരും മാനേജ്മെന്റ് വിദഗ്ധനുമായ പി.എന്. ഗോപിനാഥന്നായര് ഉദ്ഘാടനം ചെയ്യും. ഉച്ചക്ക് 12.30 മുതല് ക്ഷേത്രശ്രീ പുരസ്കാര ജേതാവായ പരിപ്പ് വിനോദ്കുമാറും സംഘവുമവതരിപ്പിക്കുന്ന മംഗള വാദ്യാര്ച്ചന നടക്കും. 2.30ന് തുടങ്ങുന്ന ഗുരുവന്ദനം പ്രശസ്ത സംഗീതജ്ഞനും പൂര്വ്വ വിദ്യാര്ത്ഥിയുമായ കോട്ടയം വീരമണി ഉദ്ഘാടനം ചെയ്യും. തുടര്ന്ന് നടക്കുന്ന പൂര്വ്വ വിദ്യാര്ത്ഥി സമ്മേളനം സിനിമാ-സീരിയല് താരം വീണാ നായര് ഉദ്ഘാടനം ചെയ്യും. പി. പത്മനാഭപിള്ള ആമുഖപ്രസംഗം നടത്തും. ബീനാ ബിനു, വി.എന്. ഗോപാലന്നായര്, ഉണ്ണികൃഷ്ണന് മൂലയില്, ഡോ. ജേക്കബ് മാത്യു, ആര്. ഉമാരാജ്, ആര്. ഓമനക്കുട്ടന്, രാജു കോട്ടിയാട്ട്, ബെന്നി പൊന്നാരത്ത് തുടങ്ങിയവര് പ്രസംഗിക്കും. ഡോ. വിപിന് മാത്യു, കെ. രാജേന്ദ്രന്നായര് പനപ്പറമ്പില്, ടി.ജി. കമലാസനന്നായര്, കെ.കെ. കരുണാകരന്, പി.കെ. ജോണ്, അനില് നാരായണന്നമ്പൂതിരി, ടി.കെ. നാരായണമേനോന്, വി.കെ. രമേശ്, ഗീതാ വി. നായര്, അഡ്വ. കെ.എസ്. രാജീവ്കുമാര്, ജി. രാഗിണി തുടങ്ങിയവര് നേതൃത്വം നല്കും.
പ്രതികരിക്കാൻ ഇവിടെ എഴുതുക: