കോഴിക്കോട്: സവര്ണ്ണ ഫാസിസത്തിനെതിരെ എന്ന പേരു പറഞ്ഞ് ചില സംഘടനകള് നടത്തുമെന്ന് പറഞ്ഞിട്ടുള്ള തെരുവ് ചുംബന സമരത്തിന് അനുമതി നിഷേധിക്കാത്ത സര്ക്കാര് നിലപാട് പ്രതിഷേധാര്ഹമാണെന്ന് ഹിന്ദു ഐക്യവേദി ജില്ലാ സമിതി ചൂണ്ടിക്കാട്ടി.
ഇത്തരം സമരാഭാസങ്ങള് നടത്തുവാന് അനുവദിക്കുകുയും അത്തരമൊരു സാഹചര്യം മുതലെടുത്ത് അതിനെ തടുക്കുമെന്ന് പറഞ്ഞുകൊണ്ട് മറ്റു സംഘടനകള് രംഗത്തുവരുന്നതും സര്ക്കാരിന്റെ നിഷ്ക്രിയ നിലപാടുകള് മൂലമാണെന്നും സമിതി കുറ്റപ്പെടുത്തി
ഇങ്ങനെയുള്ള സമരാഭാസം നടത്തിയവരുടെ പില്ക്കാല ചെയ്തികളുടെ സ്വഭാവം മനസ്സിലാക്കിയെങ്കിലും സര്ക്കാര് ഈ വിഷയത്തില് അടിയന്തിരമായി ഇടപെടണമെന്ന് സമിതി ആവശ്യപ്പെട്ടു. സമൂഹത്തില് ഇന്ന് നിലനില്ക്കുന്ന സമാധാന അന്തരീക്ഷം തകര്ക്കുവാനുള്ള ഗൂഢശ്രമത്തിന് യുക്തിപൂര്വ്വം തടയിടേണ്ടത് അടിയന്തര ആവശ്യമാണ്. സര്ക്കാര് ഈ സമരാഭാസത്തെ നിരോധിക്കുവാനുള്ള നടപടികള് കൈ ക്കൊള്ളണമെന്നും ഹിന്ദു ഐക്യവേദി ജില്ലാ സമിതി ആവശ്യപ്പെട്ടു. യോഗത്തില് പി. ജിജേന്ദ്രന്, കെ. ഷൈനു, കെ.വി.വത്സകുമാര് എന്നിവര് പങ്കെടുത്തു
പ്രതികരിക്കാൻ ഇവിടെ എഴുതുക: