പാനൂര്: അക്ഷയശ്രീ മിഷന്റെ കീഴിലുളള എലാങ്കോട് ശ്രീ ലക്ഷ്മി സ്വയം സഹായ സംഘത്തിന്റെ ഒന്നാം വാര്ഷികാഘോഷം വിവിധ പരിപാടികളോടെ ആഘോഷിച്ചു. തിരുവാല് യുപി.സ്ക്കൂളില് നടന്ന പരിപാടി തലശേരി ജനറല് ആശുപത്രി സുപ്രണ്ട് ഡോ:കെകെ.രാജാറാം ഉദ്ഘാടനം ചെയ്തു. സുധീര് മീത്തല് അദ്ധ്യക്ഷത വഹിച്ചു. നഗരസഭ കൗണ്സിലര്മാരായ വി.ഹാരിസ്, കെ.കാര്ത്തിക, ആര്എസ്എസ് താലൂക്ക് സംഘചാലക് എന്കെ.നാണു മാസ്റ്റര്, ഇകെ.ഖാദര് എന്നിവര് സംസാരിച്ചു. കെഎം.ബാബു സ്വാഗതവും പ്രകാശന് എലാങ്കോട് നന്ദിയും പറഞ്ഞു. തുടര്ന്ന് ആരോഗ്യ ബോധവല്ക്കരണവും ആദരണവും നടന്നു. കാരുണ്യസ്പര്ശം അവാര്ഡിന് അര്ഹനായ ഡോ:ഭാസ്ക്കരന് കാരായിയെ ആര്എസ്എസ് താലൂക്ക് സേവാപ്രമുഖ്് കെ.പ്രകാശന് മാസ്റ്റര് ആദരിച്ചു. ഡോ:ഭാസ്ക്കരന് കാരായി ബോധവല്ക്കരണം നടത്തി. എം.രത്നാകരന് അദ്ധ്യക്ഷത വഹിച്ചു. കുട്ടികളുടെ സുരക്ഷ കുട്ടികളുടെ കയ്യില് എന്ന വിഷയത്തില് സൗമ്യേന്ദ്രന് കണ്ണംവെളളി രക്ഷിതാക്കള്ക്കുളള ബോധവല്ക്കരണ ക്ലാസെടുത്തു. ഡോകൃൂമെന്ററി പ്രദര്ശനവുമുണ്ടായി. കെ.സുരേന്ദ്രന്, റോജിഷ് പത്തലാമ്പ്രം എന്നിവര് പ്രസംഗിച്ചു. രക്തദാനം, രക്ത നിര്ണ്ണയ കേമ്പ് തലശേരി ജനറല് ആശുപത്രിയുടെ സഹകരണത്തോടെ നടത്തി. പ്രമേഹ പ്രഷര് പരിശോധനയും നടന്നു. നൂറുകണക്കിനാണുകള് ക്യാമ്പില് പങ്കെടുത്തു.
പ്രതികരിക്കാൻ ഇവിടെ എഴുതുക: