കോട്ടയം: ബിജെപി സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചനയാത്രയുടെ ഭാഗമായി തയ്യാറെടുപ്പുകള് തുടങ്ങി. നിയമസഭാ തെരഞ്ഞെടുപ്പിനു മുന്നോടിയായുള്ള പ്രവര്ത്തനങ്ങളും യാത്രയോടനുബന്ധിച്ച് ആരംഭിക്കുന്നു. 8,9,10 തീയതികളിലായി എല്ലാ നിയോജക മണ്ഡലങ്ങളിലും പ്രവര്ത്തക സമ്മേളനം സമ്മേളനം നടത്തും. സംസ്ഥാന നേതാക്കളുടെ ടീം ഈ പരിപാടികളില് പങ്കെടുക്കും. കോട്ടയത്ത് പി.കെ. കൃഷ്ണദാസ്, കെ. സുരേന്ദ്രന്, ശോഭാ സുരേന്ദ്രന് തുടങ്ങിയ ആളുകളുടെ ടീമാണ് പങ്കെടുക്കുന്നത്.
ഇതിന്റെ ഭാഗമായി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് അദ്ധ്യക്ഷത വഹിച്ച ജില്ലാ കമ്മറ്റി സംസ്ഥാന ജനറല് സെക്രട്ടറി കെ.സുരേന്ദ്രന് ഉദ്ഘാടനം ചെയ്തു. കുമ്മനം രാജശേഖരന് നയിക്കുന്ന വിമോചനയാത്ര ചരിത്രത്തിലെ നാഴികക്കല്ലായി മാറാന് പോകുന്നുവെന്ന് അദ്ദേഹം പറഞ്ഞു. ബിജെപി സംസ്ഥാന സെക്രട്ടറി അഡ്വ. നാരായണന് നമ്പൂതിരി, ട്രഷറര് എം.പി. രാജഗോപാല്, ജില്ലാ ജനറല് സെക്രട്ടറിമാരായ കെ.എം. സന്തോഷ് കുമാര്, എന്. ഹരി തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: