തിരുവനന്തപുരം: കുടുംബശ്രീ നടപ്പാക്കുന്ന പ്രവര്ത്തനങ്ങള് പഠിക്കാന് അമേരിക്കന് വിദ്യാര്ഥി സംഘം തലസ്ഥാനത്തെത്തി. അമേരിക്കയിലെ ലോവ സര്വകലാശാലയില് അര്ബന് പഌനിംഗില് മാസ്റ്റേഴ്സ് വിദ്യാര്ഥികളായ പത്തംഗ സംഘമാണ് കുടുംബശ്രീയിലെത്തിയത്.
ലോവ സര്വകലാശാലയിലെ ഹൗസിംഗ് പോളിസി പ്രോഗ്രാം ഡയറക്ടര് ഡോ ജെറി ആന്റണിയുടെ നേതൃത്വത്തില് 2015-16 ലെ ഇന്ത്യാ വിന്ററിം പ്രോഗ്രാമിന്റെ ഭാഗമായാണ് വിദ്യാര്ഥികളുടെ കുടുംബശ്രീ സന്ദര്ശനം. സാമൂഹ്യവികസനം, ഉപജീവനം, സ്ത്രീകളുടെയും കുട്ടികളുടെയും സാമൂഹികസുരക്ഷ, സ്ത്രീശാക്തീകരണം എന്നീ മേഖലകളില് കുടുംബശ്രീ നടപ്പാക്കിവരുന്ന വിവിധ പദ്ധതികള് എന്നിവയെ കുറിച്ച് വിദ്യാര്ഥികള് ചോദിച്ചു മനസിലാക്കി. തുടര്ന്ന് വെങ്ങാനൂരിലെ പയനിയര് പേപ്പര് ബാഗ് നിര്മാണ യൂണിറ്റ്, കോട്ടുകാല് പഞ്ചായത്തിലെ സംഘകൃഷി ഗ്രൂപ്പ്, അയല്ക്കൂട്ടങ്ങള്, സൂക്ഷ്മസംരംഭ യൂണിറ്റുകള് എന്നിവ സന്ദര്ശിച്ച സംഘം യൂണിറ്റ് അംഗങ്ങളോട് പ്രവര്ത്തനരീതികളും ചോദിച്ചറിഞ്ഞു. കോട്ടുകാല് പഞ്ചായത്തധികൃതരുമായും വിദ്യാര്ഥികള് സംസാരിച്ചു.
കുടുംബശ്രീ ചീഫ് ഓപ്പറേറ്റിംഗ് ഓഫീസര് ഡോ എസ്. സലിം, നഗര ഉപജീവന മിഷന് സ്റ്റേറ്റ് മിഷന് മാനേജര് (സെല്ഫ് എംപ്ളോയ്മെന്റ് ആന്ഡ് ഫിനാന്ഷ്യല് ഇന്കഌഷന്) പ്രിയാ പോള്, കണ്സള്ട്ടന്റ് ജാസ്മി ബീഗം എന്നിവര് വിവിധ പദ്ധതികളെ കുറിച്ച് വിശദീകരിച്ചു.
പ്രതികരിക്കാൻ ഇവിടെ എഴുതുക: