ആലപ്പുഴ: ഗൗഡ സാരസ്വത ബ്രാഹ്മണരുടെ ആത്മീയ ഗുരു സംയമീന്ദ്രതീര്തഥ സ്വാമിയുടെ ചതുര്ദിന ക്യാമ്പ് ആലപ്പുഴ പഴയ തിരുമല ക്ഷേത്രത്തില് 19 മുതല് 22 വരെ നടക്കും. നാനൂറു വര്ഷങ്ങളോളം പഴക്കമുള്ളതും രണ്ടു കാശിമാഠ ഗുരുവര്യന്മാരുടെ സമാധിയുള്ളതുമായ പഴയ തിരുമല ക്ഷേത്രം േേകരളത്തിലെ ഗൗഡ സാരസ്വത ബ്രാഹ്മണരുടെ അതിപുരാതന ക്ഷേത്രമാണ്. പതിനെട്ടു വര്ഷങ്ങള്ക്കുശേഷമാണ് സ്വാമിയുടെ ക്യാമ്പ് ജില്ലയില് നടക്കുന്നത്.
ക്യാമ്പുമായി ബന്ധപ്പെട്ട് വിശദീകരണയോഗം, ബ്രോഷര് പ്രകാശനം, ഫണ്ട് ഉദ്ഘാടനം എന്നിവ നടന്നു. ഗൗഡ സാരസ്വത ബ്രാഹ്മണ മഹാസഭ സംസ്ഥാന ജോയിന്റ് സെക്രട്ടറി ദിനേശ് കമ്മത്ത് ബ്രോഷര് പ്രകാശനം ചെയ്തു.
ഫണ്ട് ഉദ്ഘാടനം പഴയ തിരുമല സംയുക്ത ഗ്രാമസഭാ പ്രസിഡന്റ് ജയകുമാര് പ്രഭു നിര്വ്വഹിച്ചു. ദേവസ്വം പ്രസിഡന്റ് വി. ഗിരീഷ് പ്രഭു അദ്ധ്യക്ഷത വഹിച്ച യോഗത്തില് ആര്. സുരേഷ് പൈ സ്വാഗതവും ഡോ. ജി. നാഗേന്ദ്രപ്രഭു നന്ദിയും പറഞ്ഞു. കൃഷ്ണകുമാര് മല്ലന്, വിവിധ സംഘടനാ പ്രതിനിധികള്, വനിതാ യുവജന ഭാരവാഹികള് എന്നിവര് സംസാരിച്ചു. ദേവസ്വം അംഗങ്ങളായ ജി. ജനാര്ദ്ദന മല്ലന്, ആര്. സുധാകരമല്യ, എം.എന്.വി. പൈ, സുരേഷ് കുമാര് മല്ലന് എന്നിവരുടെ നേതൃത്വത്തില് വിവിധ കമ്മറ്റികളുടെ രൂപീകരണവും നടന്നു.
19ന് രാത്രി കായംകുളം വിഠോബാ ക്ഷേത്രത്തില് നിന്നും വരുന്ന സ്വാമിക്ക് ആചാരപരമായ വരവേല്പ് നല്കും. പാദപൂജ, അനുഗ്രഹപ്രഭാഷണം എന്നിവ നടക്കും. 20ന് തപ്തമുദ്രാധാരണം, വൈകിട്ട് 7ന് സഹസ്രദീപാലങ്കാര സേവ എന്നിവ നടക്കും. 21ന് ബ്രഹ്മോസ്തവവുമായി ബന്ധപ്പെട്ട ചടങ്ങുകള്, 22ന് ശതകലശാഭിഷേകം, പാദപൂജ, അനുഗ്രഹപ്രഭാഷണം എന്നിവയ്ക്കുശേഷം രാത്രി എട്ടുമണിയോടെ കൊച്ചിയിലേക്ക് സ്വാമി യാത്രതിരിക്കും.
പ്രതികരിക്കാൻ ഇവിടെ എഴുതുക: