കായംകളം: ഹൈസ്ക്കൂള് വിഭാഗം വൃന്ദവാദ്യത്തില് ചെട്ടികുളങ്ങര ഹയര് സെക്കന്ററി സ്കൂളിന് മൂന്നാം തവണയും ഒന്നാം സ്ഥാനം.
പരമ്പരാഗത വാദ്യോപകരണങ്ങള് ഉപയോഗിച്ചാണ് ഇവര് സമ്മാനാര്ഹരായത്. ചെണ്ട, ഇടയ്ക്ക, തബല, തവില്, വയലിന് എന്നിവയോടൊപ്പം കീ ബോര്ഡും, റിതം പാഡും മേള പദത്തിന് മാറ്റ് കൂട്ടി.
സാധാരണ കുടുംബത്തിലെ അംഗങ്ങളായ ഈ കുട്ടികളെ പിറ്റിഎയുടെ സഹായത്തോടെ മാവേലിക്കര ബാലചന്ദ്രനും, സതീഷ് ചന്ദ്രനുമാണ് പരിശീലിപ്പിച്ചത്.
ഗൗരി ഗോപന്, ആദര്ശ് മുരളി (വയലിന്), സന്ദീപ് (തബല), സൂരജ് (തവില് ), പത്മരാജ് (ചെണ്ട), ദീക്ഷിത് ബാലചന്ദ്രന് (കീബോര്ഡ്), ശ്രീ ഗോവിന്ദ് (റിതം ) എന്നിവരാണ് മത്സരത്തിന് പങ്കെടുത്തത്. ഉപജില്ലാ കലോത്സവത്തില് ചെട്ടികുളങ്ങര ഹയര് സെക്കന്ററി സ്കൂളിന് ഓവറോള് കിരീടം നേടിയിരുന്നു.
പ്രതികരിക്കാൻ ഇവിടെ എഴുതുക: