കൊല്ലം: ജില്ലയില് പള്സ് പോളിയോ പരിപാടി 17നും ഫെബ്രുവരി 21നും നടക്കുമെന്ന് ജില്ലാ കളക്ടര് എ.ഷൈനാമോള് അറിയിച്ചു. കളക്ട്രേറ്റ് കോണ്ഫറന്സ് ഹാളില് കളക്ടറുടെ അധ്യക്ഷതയില് കൂടിയ ജില്ലാതല ടാസ്ക് ഫോഴ്സ് യോഗം പരിപാടിയുടെ ക്രമീകരണങ്ങള് വിലയിരുത്തി. 17ന് രാവിലെ എട്ടിന് കൊല്ലം ഗവ.വിക്ടോറിയ ആശുപത്രിയില് മേയര് വി.രാജേന്ദ്രബാബു പള്സ് പോളിയോ പരിപാടിയുടെ ജില്ലാതല ഉദ്ഘാടനം നിര്വഹിക്കും. അഞ്ചു വയസില് താഴെയുള്ള 199239 കുട്ടികള്ക്ക് പോളിയോ വാക്സിന് നല്കും. ഇതിനായി ജില്ലയുടെ വിവിധ ഭാഗങ്ങളില് 1725 ബൂത്തുകള് സജ്ജീകരിക്കും. ഇതിന് പുറമേ 38 ട്രാന്സിറ്റ് ബൂത്തുകളും 47 മൊബൈല് സംഘങ്ങളും വാക്സിന് നല്കുന്നതിനായി പ്രവര്ത്തിക്കും. രാവിലെ എട്ടു മുതല് വൈകിട്ട് അഞ്ചുവരെയാണ് പോളിയോ തുള്ളിമരുന്ന് വിതരണം. വാക്സിന് നല്കുന്ന വോളന്റിയര്മാര്ക്കുള്ള പരിശീലനം പഞ്ചായത്ത് ബ്ലോക്ക് തലങ്ങളില് നടുവരുന്നു.
യോഗത്തില് സ്റ്റേറ്റ് സര്വൈലന്സ് ഓഫീസര് ഡോ.ആഷാ രാഘവന്, എഡിഎം എം.എ.റഹീം, ഡിഎംഒ ഡോ.വി.വി.ഷേര്ളി, ആര്സിഎച്ച് ഓഫീസര് ഡോ.എ.എല്.ഷീജ, ഡെപ്യൂട്ടി ഡിഎംഒ ഡോ.പി.ബാബുചന്ദ്രന്, ആരോഗ്യവകുപ്പ് ജില്ലാ പ്രോഗ്രാം മാനേജര് ഡോ.സൈജു ഹമീദ് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: