ആലക്കോട്: ക്ഷീര വികസനവകുപ്പിന്റെയും മില്മയുടെയും വിവിധ ക്ഷീരസംഘങ്ങളുടെയും സംയുക്താഭിമുഖ്യത്തിലുളള ജില്ലാ ക്ഷീര കര്ഷകസംഗമം 11, 12 തീയ്യതികളില് ആലക്കോട് നെല്ലിപ്പാറ മാര് സെബാസ്റ്റ്യന് വളേളാപ്പിളളി സ്മാരക പാരിഷ് ഹാളില് നടക്കും. 12 ന് രാവിലെ 9 മണിക്ക് ക്ഷീര വികസനവകുപ്പ് മന്ത്രി കെ.സി.ജോസഫ് ഉദ്ഘാടനം ചെയ്യും. അഡ്വ.സണ്ണി ജോസഫ് എംഎല്എ അധ്യക്ഷത വഹിക്കും.
പരിപാടിയോടനുബന്ധിച്ച് ക്ഷീര കര്ഷകര്ക്കായി വിവിധ സെമിനാറുകള്, എക്സിബിഷന്, ക്ഷീര കര്ഷകരെ ആദരിക്കല്, ക്ഷീരസംഘം ജീവനക്കാരുടെ ശില്പശാല, വിവിധ മത്സരങ്ങള് എന്നിവ നടക്കും. ആലക്കോട് ക്ഷീര വികസനഓഫീസിന്റെ ഉദ്ഘാടനവും മന്ത്രി കെ.സിജോസഫ് നിര്വഹിക്കും.
11 ന് രാവിലെ 10 മണിക്ക് ക്ഷീരസംഘം ജീവനക്കാര്ക്കായി നടത്തുന്ന ശില്പശാല ജില്ലാ പഞ്ചായത്ത് വൈസ് പ്രസിഡണ്ട് പി.പി.ദിവ്യ ഉദ്ഘാടനം ചെയ്യും. സഹകരണ ഭേദഗതിയും ക്ഷീരസംഘങ്ങളും ക്ഷീര കര്ഷക ക്ഷേമനിധി, ക്ഷീര ജാലകം സോഫ്റ്റ് വെയര് എന്നിവയുമായി ബന്ധപ്പെട്ട ക്ലാസുകള് നടക്കും. ഉച്ചക്കുശേഷം ക്ഷീര കര്ഷകര്ക്കും ക്ഷീരസംഘം ജീവനക്കാര്ക്കുമായി ഡയറി ക്വിസ്, പാലുകുടി, കസേരകളി മത്സരങ്ങള് നടക്കും.
12 ന് നടക്കുന്ന ഉദ്ഘാടന ചടങ്ങില് ജില്ലാ പഞ്ചായത്ത് പ്രസിഡണ്ട് കാരായി രാജന്, ക്ഷീര കര്ഷക ക്ഷേമനിധി ചെയര്മാന് ജോണ് ജേക്കബ് വളളക്കാലില്, മില്മ ചെയര്മാന് പി ടി ഗോപാലകുറുപ്പ് തുടങ്ങിയവര് പങ്കെടുക്കും. ജില്ലയിലെ മികച്ച ക്ഷീര കര്ഷകരെയും ക്ഷീര സംഘങ്ങളെയും ആദരിക്കും. ക്ഷീര വികസന വകുപ്പിന്റെ വിവിധ പദ്ധതികളുടെ ധനസഹായ വിതരണവും നടക്കും. തുടര്ന്ന് സുസ്ഥിര ക്ഷീര വികസനം, ജെഎല്ജി-ക്ഷീരമേഖലയിലെ സാധ്യതകള് എന്നീ വിഷയങ്ങളില് സെമിനാര് നടക്കും.
പ്രതികരിക്കാൻ ഇവിടെ എഴുതുക: