തലശ്ശേരി: തലശ്ശേരി ഗവണ്മെന്റ് ബ്രണ്ണന് കോളേജിന്റെ ശതോത്തര രജത ജൂബിലി ആഘോഷത്തിന്റെ ഔപചാരികമായ ഉദ്ഘാടനം 2016 ജനുവരി 18ന് തിങ്കളാഴ്ച ഉച്ചയ്ക്ക്ശേഷം 3 മണിക്ക് കേരള ഗവര്ണര് ജസ്റ്റിസ് പി.സദാശിവം ബ്രണ്ണന് കോളേജില് നിര്വഹിക്കും.
കോളേജിന്റെ 125-ാം വാര്ഷികത്തിന്റെ ഭാഗമായി 14 മുതല് 18 വരെ അഖിലേന്ത്യാ ശാസ്ത്ര-സാങ്കേതിക-വിദ്യാഭ്യാസ വ്യാവസായിക-കാര്ഷിക പ്രദര്ശനം ‘ബ്രണ്ണന് എക്സ്പോ’ സംഘടിപ്പിക്കുന്നു. ഐ.എസ്.ആര്.ഒ. സ്റ്റേറ്റ് ആര്ക്കൈവ്സ്, ഇന്ത്യന് നേവി, സി.എം.എഫ്.ആര്.ഐ, ബി.എസ്.എന്.എല്, കേരള ഫോറസ്റ്റ് റിസര്ച്ച് ഇന്സ്റ്റിറ്റ്യൂട്ട്, കൃഷി വകുപ്പ്, കാര്ഷികഫാമുകള്, മെഡിക്കല് ഡെന്റല്, ആയുര്വേദ, നഴ്സിങ്ങ് കോളേജുകള്, എന്.ടി.ടി.എഫ്, പ്രമുഖ പത്രസ്ഥാപനങ്ങള്, സാങ്കേതിക വിദ്യാഭ്യാസ സ്ഥാപനങ്ങള്, വൈദ്യുതിബോര്ഡ്, ജയില്, റബ്കോ, റെയ്ഡ്കോ തുടങ്ങി അറുപതിലേറെ കേന്ദ്ര-സംസ്ഥാന സര്ക്കാര്-അര്ധസര്ക്കാര്-സഹകരണ സ്ഥാപനങ്ങള് പ്രദര്ശനത്തില് പങ്കെടുക്കുന്നു. ജില്ലാ കുടുംബശ്രീ മിഷന്, മില്മ, ദിനേശ് തുങ്ങിയ സ്ഥാപനങ്ങളുടെ ഫുഡ്കോര്ട്ട് ഒരുക്കുന്നുണ്ട്.
അജീബ് കൊമാച്ചിയുടെ ഫോട്ടോപ്രദര്ശനം, ചിത്രപ്രദര്ശനം, ബ്രണ്ണന് മലയാളസമിതിയുടെ ഫോട്ടോപ്രദര്ശനം, സിനിമാപ്രദര്ശനം, നാണയ-സ്റ്റാമ്പ് പ്രദര്ശനം, വിത്തുംകൈക്കോട്ടും, പാമ്പ് ബോധവല്ക്കരണം, തല്സമയ മണ്പാത്രനിര്മ്മാണം, പക്ഷിക്കൂട് പ്രദര്ശനം, ഓര്മ്മകളിലെ ബ്രണ്ണന് തുടങ്ങിയവയും പ്രദര്ശനത്തിന്റെ ഭാഗമായുണ്ടാവും.
14-ാം തീയതി ആരംഭിക്കുന്ന വിദ്യാഭ്യാസ പ്രദര്ശനത്തിലും ബഹുമാനപ്പെട്ട ഗവര്ണര് പങ്കെടുക്കുന്ന ശതോത്തരരജതജൂബിലി ഉദ്ഘാടനച്ചടങ്ങിലും മുഴുവന് പൂര്വവിദ്യാര്ത്ഥികളും അധ്യാപകരും ജീവനക്കാരും അഭ്യുദയകാംക്ഷികളും പങ്കെടുക്കണമെന്ന് പ്രിന്സിപ്പാള് അഭ്യര്ത്ഥിക്കുന്നു.
പ്രതികരിക്കാൻ ഇവിടെ എഴുതുക: