കോട്ടയം: ബിജെപി സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചനയാത്രയ്ക്ക് ജില്ലയിലെ സ്വീകരണപരിപാടികള്ക്കുള്ള ഒരുക്കങ്ങള് ആരംഭിച്ചു. 20ന് കാസര്ഗോഡ് ഉപ്പളയില്നിന്നും ആരംഭിക്കുന്ന യാത്ര ഫെബ്രുവരി 3,4 തീയതികളിലാണ് ജില്ലയില് പര്യടനം നടത്തുന്നത്. സ്വീകരണ പരിപാടികളുടെ ഒരുക്കങ്ങളുടെ ഭാഗമായി ബൂത്ത് തല പ്രതിനിധികള് പങ്കെടുക്കുന്ന നിയോജകമണ്ഡലം പ്രവര്ത്തക കണ്വന്ഷനുകള് ഇന്ന് പൂര്ത്തിയാകും. ചങ്ങനാശ്ശേരി, കാഞ്ഞിരപ്പള്ളി, പൂഞ്ഞാര് നിയോജകമണ്ഡലങ്ങളില് നടന്ന കണ്വന്ഷനുകളില് സംസ്ഥാന ജനറല് സെക്രട്ടറി കെ. സുരേന്ദ്രന്, സെക്രട്ടറി ബി. രാധാകൃഷ്ണമേനോന് എന്നിവരും കോട്ടയം, ഏറ്റുമാനൂര് നിയോജകമണ്ഡലങ്ങളില് ദേശീയ നിര്വ്വാഹസമിതിയംഗം പി.കെ. കൃഷ്ണദാസ്, കെ.എസ്. രാജന് എന്നിവരും പങ്കെടുത്തു. പുതുപ്പള്ളി, പാലാ നിയോജക മണ്ഡലങ്ങളില് ശോഭാസുരേന്ദ്രന്, പി.എം. വേലായുധനുമാണ് പങ്കെടുത്തത്. ഇന്ന് വൈക്കത്തും, കടുത്തുരുത്തിയിലും നടക്കുന്ന കണ്വെന്ഷനുകളിലും ശോഭാസുരേന്ദ്രനും, പി.എം. വേലായുധനും പങ്കെടുക്കും. ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന്, ജനറല് സെക്രട്ടറിമാരായ കെ.എം. സന്തോഷ്കുമാര്, എന്. ഹരി തുടങ്ങിയവര് എല്ലാ കണ്വന്ഷനുകളിലും പങ്കെടുത്തു.
പഞ്ചായത്തുതലത്തില് ചുവരെഴുത്തടക്കമുള്ള പ്രചരണങ്ങള് ആരംഭിച്ചുകഴിഞ്ഞു. എല്ലാ ബൂത്തും എല്ലാ വീടുമെന്ന ലക്ഷ്യത്തോടെയുള്ള ഗ്രഹസമ്പര്ക്കയജ്ഞം തിങ്കളാഴ്ച മുതല് ആരംഭിക്കും. ഫെബ്രുവരി 3,4, തീയതികളിലായി ജില്ലയിലെ 9 നിയോജകമണ്ഡലം കേന്ദ്രങ്ങളിലും സ്വീകരണം നല്കും.
പ്രതികരിക്കാൻ ഇവിടെ എഴുതുക: