പള്ളിക്കത്തോട്: അരവിന്ദ ചാരിറ്റബിള് സൊസൈറ്റിയുടെ സാംസ്കാരിക വിഭാഗമായ സാരംഗിയുടേയും, സേവനവിഭാഗമായ സേവയുടേയും രജത ജൂബിലിയാഘോഷങ്ങള് ഇന്ന് നടക്കും. വൈകിട്ട് 5ന് നടക്കുന്ന സാരംഗി രജതജൂബിലിയുടെ ഉദ്ഘാടനം ഐഎസ്ആര്ഒ മുന് ചെയര്മാന് ഡോ. ജി മാധവന് നായര് ഉദ്ഘാടനം ചെയ്യും. സേവ രജതജൂബിലി ഉദ്ഘാടനം കൊടുങ്ങല്ലൂര് വിവേകാനന്ദ കേന്ദ്ര വേദിക് വിഷന് ഫൗണ്ടേഷന് ഡയറക്ടര് ഡോ. എം. ലക്ഷ്മി നിര്വ്വഹിക്കും. ചടങ്ങില് കാര്ഡിയോ തൊറാസിക് സര്ജന് ഡോ. ടി.കെ. ജയകുമാറിന് ഡോ. ജി. മാധവന് നായര് അരവിന്ദ കീര്ത്തിമുദ്ര സമ്മാനിക്കും. അരവിന്ദ ചാരിറ്റബിള് സൊസൈറ്റി ആരംഭിക്കുന്ന ആദ്ധ്യത്മിക കേന്ദ്രത്തിന് സൗജന്യമായി ഒരേക്കര് ഭൂമി നല്കിയ എ.എം. കൃഷ്ണന് നായരെ ഡോ. എം. ലക്ഷ്മീകുമാരി ആദരിക്കും. ആഘോഷങ്ങളോടനുബന്ധിച്ച് ഗായകന് പി.ജയചന്ദ്രനും സംഘവും അവതരിപ്പിക്കുന്ന ഗാനമേളയും ഉണ്ടായിരിക്കും.
പ്രതികരിക്കാൻ ഇവിടെ എഴുതുക: