എരുമേലി: മതമൈത്രിയുടെ സന്ദേശം നല്കി എരുമേലി ചന്ദനക്കുടം നാളെ നടക്കും.
എരുമേലി മഹല്ലാ മുസഌം ജമാഅത്തിന്റെ ആഭ്യമുഖ്യത്തില് നടക്കുന്ന ചന്ദനക്കുട ഘോഷയാത്രയുടെ ഉദ്ഘാടന സമ്മേളനം വൈകിട്ട് 6.30ന് ജമാഅത്ത് പ്രസിഡന്റ് പി എ ഇര്ഷാദിന്റെ അദ്ധ്യക്ഷതയില് ചേരുന്ന യോഗത്തില് ആഭ്യന്തര മന്ത്രി രമേശ് ചെന്നിത്തല ഉദ്ഘാടനം ചെയ്യും. മുഖ്യാതിഥിയായി ദേവസ്വം ബോര്ഡ് പ്രസിഡന്റ് പ്രയാര് ഗോപാലകൃഷ്ണന് പങ്കെടുക്കും. ആന്റോ ആന്റണി എം പി, ദേവസ്വം ബോര്ഡ് സ്പെഷ്യല് കമ്മീഷണര് ജസ്റ്റീസ് കെ ബാബു, ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, എ ഡി ജി പി കെ പത്മകുമാര് ഐ എ എസ്,ജില്ലാ കളക്ടര് യു വി ജോസ്, ജില്ലാ പൊലീസ് മേധാവി സതീഷ് ബിനോ, ടി. കെ. എ. നായര്, ഗ്രാമ പഞ്ചായത്ത് പ്രസിഡന്റ് റ്റി. എസ്. കൃഷ്ണകുമാര്, ബ്ലോക്ക് പഞ്ചായത്ത് അംഗം പി കെ അബ്ദുള്കരിം, എസ്. എന്. ഡി. പി. യോഗം യൂണിയന് സെക്രട്ടറി ശ്രീകുമാര് ശ്രീപാദം, എന്. എസ്. എസ്. പ്രസിഡന്റ് അശോക് കുമാര്, വ്യാപാരി വ്യവസായി ഏകോപന സമിതി ജില്ലാ സെക്രട്ടറി മുജീബ് റഹുമാന്, വെളളാള മഹാസഭ ജില്ലാ പ്രസിഡന്റ് എന്. ബി. ഉണ്ണികൃഷ്ണന്, കെ. വി. എസ്. പ്രസിഡന്റ് എ കെ സത്യന്, സി. എസ്. ഡി. എസ്. പ്രസിഡന്റ് ടി. കെ. രാജന് തുടങ്ങിയവര് പങ്കെടുക്കും.
നാളെ ഉച്ചക്ക് 1.30ന് ജമാഅത്ത് അങ്കണത്തില് നിന്ന് മാലിസ ഘോഷയാത്ര ആരംഭിക്കും. ചരള, തിരുമാലക്കുന്ന്, കെ എസ്ആര്ടിസി ജംഗ്ഷന്, വയലാപ്പറമ്പ്, പാത്തിക്കകാവ്, ചരള, സെന്റ്മേരി, കുളത്തുങ്കല്, ചെമ്പകത്തുങ്കല്പാലം, വിലങ്ങുപാറ, ആമക്കുന്ന്, വാഴക്കാ തുടങ്ങിയ സ്ഥലങ്ങളിലെ മാലിസ സ്വീകരണത്തിന് ശേഷം 5ന് പളളിയില് എത്തിച്ചേരും. തുടര്ന്ന് അമ്പലപ്പുഴ പേട്ടസംഘവുമായുളള സൗഹൃദ സംഗമം നടക്കും. പന്തളം കൊട്ടാരം രാജപ്രതിനിധി മൂലം തിരുനാള് പി. ജി. ശശികുമാര് വര്മ്മ സൗഹൃദ സംഗമം ഉദ്ഘാടനം ചെയ്യും. ദേവസ്വം ബോര്ഡ് അംഗം അജയ് തറയില്, അമ്പലപ്പുഴ പേട്ട സംഘം പെരിയോര് കളത്തില് ചന്ദ്രശേഖരന് നായര് തുടങ്ങിയവര് പങ്കെടുക്കും. ചെണ്ടമേളം, ശിങ്കാരിമേളം, കൊട്ടക്കാവടി, നാസിക്ധോര്, മാപ്പിള ഗാനമേള തുടങ്ങിയ കലാപരിപാടികള് ചന്ദനക്കുടത്തിന് മിഴിവേകും. 8ന് പുറപ്പെടുന്ന ചന്ദനക്കുട ഘോഷയാത്ര വിവിധ കേന്ദ്രങ്ങളിലെ സ്വീകരണത്തിന് ശേഷം വെളുപ്പിന് 2.30ന് പളളിയില് തിരിച്ചെത്തും.
പ്രതികരിക്കാൻ ഇവിടെ എഴുതുക: