കണ്ണൂര്: കണ്ണൂര് അന്താരാഷ്ട്ര വിമാനത്താവള പദ്ധതി പ്രഹസനാക്കുന്നിതിനെതിരെ കേരള പ്രവാസി സംഘം കണ്ണൂര് എയര്പ്പോര്ട്ട് പ്രോജക്ട് ഓഫീസിലേക്ക് ബഹുജനമാര്ച്ച് നടത്തി. പരിയാരം മെഡിക്കല് കോളേജ് ചെയര്മാന് എം.വി.ജയരാജന് ഉദ്ഘാടനം ചെയ്തു. കണ്ണൂര് വിമാനത്താവളം വിഭാവനം ചെയ്ത 4000മീറ്റര് റണ്വേ പൂര്ത്തിയാക്കുക, കണ്ണൂര് വിമാനത്താവളത്തിന് ഹബ്ബ് പദവി ലഭിക്കുന്നതിനാവശ്യമായ നടപടി സ്വീകരിക്കുക, കണ്ണൂര് അന്താരാഷ്ട്ര വിമാനത്താവള പദ്ധതി വിഭാവനം ചെയ്ത പോലെ പൂര്ത്തിയാക്കി ഉദ്ഘാടനം ചെയ്യുക, കണ്ണൂര് വിമാനത്താവള പദ്ധതി അട്ടിമറിക്കുന്ന സര്ക്കാര് നിലപാട് തിരുത്തുകക, എയര്പോര്ട്ടിലേക്കുള്ള റോഡ് വികസനം ഉള്പ്പെടെയുള്ള അനുബന്ധ പ്രവൃത്തി പൂര്ത്തിയാക്കുക എന്നീ മുദ്രാവാക്യങ്ങളുയര്ത്തിയാണ് മാര്ച്ച് നടത്തിയത്. ജില്ലാ പ്രസിഡണ്ട് എം.വി.ബാലകൃഷ്ണന് അധ്യക്ഷത വഹിച്ചു. സംസ്ഥാന സെക്രട്ടറി പി.സൈദലിക്കുട്ടി, സംസ്ഥാന വൈസ് പ്രസിഡണ്ട് പി.കെ.അബ്ദുള്ള, ടി.പി.നാരായണന് എന്നിവര് സംസാരിച്ചു. ജില്ലാ സെക്രട്ടറി ഇ.എം.പി.അബൂബക്കര് സ്വാഗതം പറഞ്ഞു. സി.കെ.സി.മുഹമ്മദ്, പി.ദിനഷേകുമാര്, കെ.പവിത്രന്, പ്രശാന്ത് കുട്ടമ്പള്ളി, എം.ഇബ്രാഹിം, കെ.വിനോദ് എന്നിവര് മാര്ച്ചിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: