കതിരൂര്‍ മനോജ് വധം: പി ജയരാജന്റെ ജാമ്യാപേക്ഷ മാറ്റി

Tuesday 12 January 2016 12:52 pm IST

കണ്ണൂര്‍: കതിരൂര്‍ മനോജ് വധക്കേസില്‍ സിപിഎം കണ്ണൂര്‍ ജില്ലാ സെക്രട്ടറി പി.ജയരാജന്‍ നല്‍കിയ മുന്‍കൂര്‍ ജാമ്യാപേക്ഷ പരിഗണിക്കുന്നത് കോടതി മാറ്റിവച്ചു. തലശേരി സെഷന്‍സ് കോടതിയാണ് ജാമ്യഹര്‍ജി പരിഗണിക്കുന്നത്. ഈ മാസം 18ന് ഹര്‍ജി വീണ്ടും പരിഗണിക്കും. ഹര്‍ജിയില്‍ സിബിഐയ്ക്ക് നോട്ടീസ് അയക്കാനും കോടതി ഉത്തരവിട്ടു. ചോദ്യം ചെയ്യലിനു ഹാജരാകുന്നതില്‍ എതിര്‍പ്പില്ലെന്ന് ജയരാജന്‍ കോടതിയെ അറിയിച്ചു. തിരുവനന്തപുരത്ത് ആറ് മണിക്കൂര്‍ ചോദ്യം ചെയ്യലിനു വിധേയനായതാണെന്നും ജയരാജന്‍ കോടതിയെ ബോധിപ്പിച്ചു. ഒരിക്കല്‍ ചോദ്യം ചെയ്യലിനു ഹാജരായ ജയരാജന്‍ പിന്നീട് മൂന്ന് തവണ സിബിഐ നോട്ടീസ് നല്‍കിയെങ്കിലും അനാരോഗ്യം കാണിച്ച് ഒഴിവാകുകയായിരുന്നു. തിങ്കളാഴ്ചയാണ് മുന്‍കൂര്‍ ജാമ്യംതേടി ജയരാജന്‍ തലശേരി സെഷന്‍സ് കോടതിയെ സമീപിച്ചത്.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.