മട്ടാഞ്ചേരി: കാശിമഠാധിപതി സുധീന്ദ്രതീര്ത്ഥ സ്വാമിയുടെ ആയുര് ആരോഗ്യ സൗഖ്യത്തിന് ശിഷ്യന് സംയമീന്ദ്രതീര്ത്ഥ സ്വാമി ശോശ്രീപുരം തിരുമല ക്ഷേത്ര ശ്രീലക്ഷ്മീ വെങ്കടാചലപതി ദേവന് മുന്നിലും പരമഗുരു സുകൃതീന്ദ്ര തീര്ത്ഥ സ്വാമി വൃന്ദാവനത്തിലും പ്രാര്ത്ഥന നടത്തി. അമ്പലമേട് കുലദേവതാ മന്ദിര്കാശി മഠത്തില് നിന്ന് കൊച്ചിയിലെത്തിയ സ്വാമി പൂര്ണ കുംഭസ്വീകരണ ശേഷം വെങ്കടാചലപതി ദേവമംഗളാരതി തൊഴുത് പ്രസാദം സ്വീകരിച്ചു. തുടര്ന്ന് ദേവന് മുന്നില് നാളികേരവും പുഷ്പവും കാണിക്കയും ഫലങ്ങളും സമര്പ്പിച്ച് ഗുരുവിന്റെ ആരോഗ്യത്തിനായി പ്രാര്ത്ഥിച്ചു.
കേരളത്തിലെ വിവിധ ജിഎസ്ബി ക്ഷേത്രങ്ങളില് അടുത്ത ഫെബ്രുവരി ആദ്യവാരം വരെയുള്ള പരിപാടികള് റദ്ദ് ചെയ്താണ് സംയമീന്ദ്ര തീര്ത്ഥ മുംബൈയില് ചികിത്സയില് കഴിയുന്ന സുധീന്ദ്ര തീര്ത്ഥ സ്വാമിയെ കാണാന് മടങ്ങിയത്. കൊച്ചി ഗോശ്രീപുര തിരുമല ക്ഷേത്രത്തിലെത്തിയ സ്വാമിയെ ദേവസ്വം പ്രസിഡന്റ് കപില്. ആര്.പൈ, ഭരണസമിതി അംഗങ്ങള് എന്നിവര് സ്വീകരിച്ചു. എറണാകുളം, പള്ളുരുത്തി, വൈപ്പിന് ക്ഷേത്ര ഭാരവാഹികള് ഗുരുവിനായുള്ള പ്രാര്ത്ഥനയില് പങ്കുചേര്ന്നു.
പ്രതികരിക്കാൻ ഇവിടെ എഴുതുക: