ചവറ: വരുന്ന നിയമസഭ തെരഞ്ഞെടുപ്പില് ബിജെപി കേരളത്തില് രാഷ്ട്രീയമായി മഹാത്ഭുതം സൃഷ്ടിക്കുമെന്ന് ദേശീയ നിര്വാഹക സമിതിയംഗം പി.കെ.കൃഷ്ണദാസ് പറഞ്ഞു. ചവറ നിയോജക മണ്ഡലത്തിലെ പ്രവര്ത്തകയോഗത്തില് സംസാരിക്കുകയായിരുന്നു അദ്ദേഹം. കേരളത്തില് സമഗ്രവികസനത്തിന് ബിജെപിയുടെ നേതൃത്വത്തില് ജനകീയ ബദല് ആവശ്യമാണെന്നും മാറിമാറി ഭരിക്കുന്ന ഇടത്-വലത് മുന്നണികളുടെ ദുര്ഭരണം മൂലം സാധാരണക്കാരന് ഭൂമിക്കും അന്നത്തിനും ശുദ്ധജലത്തിനും വേണ്ടി സമരം ചെയ്യേണ്ട സാഹചര്യമാണെന്നും ഈ അഴിമതി നിറഞ്ഞ ഭരണത്തില് നിന്നും കേരളത്തിലെ ജനങ്ങളെ മോചിപ്പിക്കുന്നതിനു വേണ്ടിയാണ് ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് വിമോചനയാത്ര നടത്തുന്നതെന്നും അദ്ദേഹം പറഞ്ഞു.
നിയോജക മണ്ഡലം പ്രസിഡന്റ് ഭരണിക്കാവ് രാജന് അദ്ധ്യക്ഷത വഹിച്ചു. കര്ഷകമോര്ച്ച സംസ്ഥാനപ്രസിഡന്റ് കെ.എസ്.രാജന് ബിജെപി സംസ്ഥാന സെക്രട്ടറി ബി.രാധാമണി എം.സുനില്, മാലുമേല് സുരേഷ്, മാമ്പുഴ ശ്രീകുമാര്, ബി.സുനില്, എംഎസ് ശ്യാംകുമാര്, അജ്ഞനാ സുരേഷ് എന്നിവര് സംസാരിച്ചു. അപ്പുക്കുട്ടന്കുറുപ്പ് സ്വാഗതവും തേവലക്കര രാജീവ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: