തുറവൂര്: പമ്പ പാതയിലൂടെ കൂടുതല് കെഎസ്ആര്ടിസി സ്വകാര്യ ബസ് സര്വീസുകള് ആരംഭിക്കണമെന്ന ആവശ്യം ശക്തമാകുന്നു. തൈക്കാട്ടുശേരി പാലം തുറന്നപ്പോഴുണ്ടായിരുന്ന കെഎസ്ആര്ടിസി സര്വ്വീസിനു പുറമെ ഏതാനും സ്വകാര്യബസുകള് കൂടി ആരംഭിച്ചെങ്കിലും ഇവിടെ യാത്രാദുരിതം രൂക്ഷമാണ്.
രാവിലെ പത്തിനും വൈകിട്ട് അഞ്ചിനുമിടയില് തുറവൂരിലെത്തുന്നവര്ക്ക് തൈക്കാട്ടുശേരി ഭാഗത്തേക്ക് പോകാന് ഓട്ടോറിക്ഷകളെയോ മറ്റുസ്വകാര്യ വാഹനങ്ങളെയോ ആശ്രയിക്കേണ്ട ഗതികേടിലാണിപ്പോഴും. പാലം തുറക്കുന്ന സമയത്ത് സര്ക്കുലര് ഉള്പ്പടെ വിവിധ സ്ഥലങ്ങളിലേക്ക് ബസുകള് ഓടിക്കുമെന്നായിരുന്നു വാഗ്ദാനം.
പാലം തുറന്ന് വര്ഷമൊന്നായിട്ടും ആദ്യമുണ്ടായിരുന്ന സര്വീസുകള് മാത്രമാണ് ഇവിടെയുള്ളത്. തുറവൂരിലും മാക്കേക്കടവ് ജംഗ്ഷനിലുമെത്തുന്ന യാത്രക്കാര് ലക്ഷ്യ സ്ഥാനങ്ങളിലെത്താന് ചേര്ത്തല വഴി ചുറ്റി സഞ്ചരിക്കേണ്ട സ്ഥിതിയാണ്.
പലപ്പോഴും തൈക്കാട്ടുശേരി ഭാഗത്തേക്ക് പോകാന് ബസ് കിട്ടുമെന്ന പ്രതീക്ഷയില് തുറവൂരില് ഇറങ്ങുന്നവര് പിന്നീട് സ്വകാര്യ വാഹനങ്ങളെ ആശ്രയിക്കേണ്ട സ്ഥിതിയാണ്. ചേര്ത്തലയില് നിന്ന് തുറവൂര്, തൈക്കാട്ടുശേരി പാലം വഴി അരൂക്കുറ്റിക്കും തിരിച്ചും ചേര്ത്തലയില് നിന്ന് മാക്കേക്കടവ്, തൈക്കാട്ടുശേരി പാലം തുറവൂര് വഴി അരൂര് ക്ഷേത്രത്തിലേക്കും തിരിച്ചും ബസുകള് ഓടിക്കുന്നതിന് സാധ്യതയുണ്ട്.
ഇത്തരത്തില് പുതിയവ ആരംഭിക്കുകയും നിലവിലുള്ള സമയക്രമത്തില് ചെറിയ മാറ്റങ്ങള് വരുത്തുകയും ചെയ്താല് സര്വ്വീസുകള് കൂടുതല് ലാഭകരമാക്കാനും ജനങ്ങളുടെ യാത്രക്ലേശത്തിന് പരിഹാരം കാണാനും കഴിയും
പ്രതികരിക്കാൻ ഇവിടെ എഴുതുക: