സിഡ്നി: വനിതാ ലോക ഒന്നാം നമ്പര് ഡബിള്സ് ജോഡികളായ ഇന്ത്യയുടെ സാനിയ മിര്സ-സ്വിറ്റ്സര്ലന്ഡിന്റെ മാര്ട്ടിന ഹിംഗിസ് സഖ്യം തുടര് വിജയങ്ങളില് ലോക റെക്കോര്ഡിനൊപ്പം. സിഡ്നി ഓപ്പണ് ടെന്നീസിന്റെ ക്വാര്ട്ടര് ഫൈനലിലും വിജയിച്ചതോടെ ഇന്തോ-സ്വിസ് സഖ്യം ലോക റെക്കോര്ഡിനൊപ്പമെത്തിയത്. തുടര്ച്ചയായ 28-ാം വിജയമാണ് സഖ്യം നേടിയത്. 1994-ല് 28 തുടര് ജയങ്ങള് നേടിയ ഗിഗി ഫെര്ണാണ്ടസ്-നടാഷ സ്വെരേവ സഖ്യത്തിന്റെ റെക്കോര്ഡിനൊപ്പമാണ് സാനിയ സഖ്യം എത്തിയത്.
ഇന്നലെ നടന്ന ക്വാര്ട്ടര് ഫൈനലില് ചൈനീസ് ജോഡികളായ ചെന് ലിയാങ്-ഷുവായ് പെങ് സഖ്യത്തെ നേരിട്ടുള്ള സെറ്റുകള്ക്ക് കീഴടക്കി സാനിയ സഖ്യം സെമിയിലെത്തി. സ്കോര്: 6-2, 6-3. സെമിയിലെത്തിയ മാര്ട്ടിന-സാനിയ സഖ്യം ഈ വര്ഷത്തെ രണ്ടാം കിരീടനേട്ടവും റിക്കാര്ഡുമാണു ലക്ഷ്യമാക്കുന്നത്. സഖ്യത്തിലായശേഷം 10 കിരീടങ്ങളാണ് ഇരുവരും ചേര്ന്ന് നേടിയത്. കഴിഞ്ഞയാഴ്ച നടന്ന ബ്രിസ്ബേന് ഇന്റര്നാഷണല് ടൂര്ണമെന്റില് സാനിയ-മാര്ട്ടിന ഹിംഗിസ് സഖ്യം കിരീടം നേടിയിരുന്നു.
പ്രതികരിക്കാൻ ഇവിടെ എഴുതുക: